எல்ரெட்குமாரின் அடுத்த படத்திற்கு ரஜினி பட டைட்டில்
- IndiaGlitz, [Monday,September 26 2016]
கே.வி.ஆனந்த் இயக்கிய 'கோ', டிகே இயக்கிய 'யாமிருக்க பய்மே உள்பட பல வெற்றி படங்களை தயாரித்தவர் எல்ரெட்குமார். இவர் தற்போது ஜீவா, காஜல் அகர்வால் நடிக்கும் கவலை வேண்டாம் படத்தை தயாரித்து வருகிறார். இந்த படம் விரைவில் வெளியாகவுள்ளது
இந்நிலையில் எல்ரெட்குமார் தயாரித்து வரும் இன்னொரு படத்தில் கிருஷ்ணா, ஐஸ்வர்யா மேனன் நடித்து வரும் நிலையில் இந்த படத்தின் டைட்டிலுடன் கூடிய ஃபர்ஸ்ட்லுக் சற்று முன்னர் வெளியாகியுள்ளது. இந்த படத்திற்கு 'வீரா' என்ற டைட்டில் வைக்கப்பட்டுள்ளது. இதே டைட்டிலில் சூப்பர் ஸ்டார் ரஜினிகாந்த், ரோஜா, மீனா நடித்த படம் கடந்த 1994ஆம் ஆண்டு வெளியானது என்பது குறிப்பிடத்தக்கது.
எல்ரெட்குமார் தயாரிப்பில் ராஜாராமன் இயக்கி வரும் இந்த படத்தில் கருணாகரன் முக்கிய வேடத்தில் நடித்து வருகிறார். லியோன் ஜேம்ஸ் இசையமைக்கும் இந்த படம் விரைவில் திரைக்கு வரவுள்ளது.