எது எது எங்கே போய் சேரணுமோ, அது அது அங்கே போய் சேருகிறது.. பிக்பாஸ் வீட்டுக்கு வந்த அனன்யா..!
- IndiaGlitz, [Tuesday,January 09 2024]
பிக் பாஸ் நிகழ்ச்சியின் கடைசி வாரத்தின் எபிசோடுகள் ஒளிபரப்பாகிக் கொண்டிருக்கும் நிலையில் இந்த வாரம் ஏற்கனவே எலிமினேஷன் ஆன போட்டியாளர்கள் மீண்டும் வருவார்கள் என்று எதிர்பார்க்கப்பட்டது. அந்த வகையில் இன்றைய முதல் புரமோ வீடியோவில் பிக் பாஸ் வீட்டிற்குள் அனன்யா வருகிறார்.
அவர் வந்தவுடன் தான் இருந்த குரூப்பான மாயா குரூப் உடன் தான் செல்கிறார் என்பதும் மாயா, விஜய் வர்மாவுடன் நெருக்கமாக பேசிக் கொண்டிருக்கிறார் என்றும் தெரிகிறது.
இதனை அடுத்து விஷ்ணு ’அனன்யா வந்தவுடன் நம்முடன் சரியாக பேசவில்லை, மாயா உடன் தான் பேசுகிறார்’ என்று சொல்ல அதற்கு மணி ’எது எது எங்கே போய் சேரணுமோ, அது அது அங்கே தான் சேருகிறது. என்னதான் குரூப்பிசம் இல்லை என்றாலும் இங்கே குரூப்பிசம் இருப்பது தெளிவாக தெரிகிறது’ என்று கூறினார்.
அதேபோல் பிக் பாஸ் வீட்டிற்கு வரும் மற்ற போட்டியாளர்களும் மீண்டும் குரூப்பாக இணைவார்கள் என்று எதிர்பார்க்கப்படுவதால் இந்த சீசனே குரூப்பிசம் சீசன் என்றுதான் பார்வையாளர்களால் அழைக்கப்பட்டு வருகிறது.