முதல்வர் ஓபிஎஸ் அணிக்கு 8 எம்பிக்க்கள் ஆதரவு. அதிர்ச்சியில் சசிகலா அணி
- IndiaGlitz, [Sunday,February 12 2017]
தமிழக முதல்வர் ஓபிஎஸ் அவர்களுக்கு ஏற்கனவே எம்பி மைத்ரேயன், எம்.பி. அசோக்குமார், எம்.பி. சுந்தரம், எம்பி சத்தியபாமா ஆகிய நான்கு எம்பிக்கள் ஆதரவு கொடுத்திருந்தனர்.
இந்நிலையில் இன்று மேலும் நான்கு எம்பிக்கள் ஆதரவு கொடுத்துள்ளனர். இன்று வேலூர் எம்பி செங்குட்டுவன் மற்றும் தூத்துக்குடி எம்பி ஜெயசிங் தியாகராஜ் நட்டர்ஜி ஆகியோர் முதலமைச்சர் ஓ.பன்னீர்செல்வத்தின் இல்லத்துக்கு நேரில் சென்று தன்ங்களுடை ஆதரவை தெரிவித்தனர். அதுமட்டுமின்றி பெரம்பலூர் எம்.பி. மருதராஜா , வேலூர் எம்பி செங்குட்டுவன், ஆகியோர்களும் தங்களுடைய ஆதரவை தெரிவித்துள்ளனர்.
இந்நிலையில் ஓபிஎஸ் அவர்களுக்கு தற்போது எட்டு எம்பிக்கள் ஆதரவு இருக்கின்றது என்பது குறிப்பிடத்தக்கது. ஏற்கனவே 60க்கும் மேற்பட்ட எம்.எல்.ஏக்கள் ஆதரவு ஓபிஎஸ் அவர்களுக்கு இருப்பதாக கூறப்படுவதால் எந்த நேரமும் அதிமுக அவர் வசம் ஆகும் என்று எதிர்பார்க்கப்படுகிறது. ஓபிஎஸ் அவர்களுக்கு குவியும் ஆதரவால் சசிகலா அணியின் தரப்பினர் அதிர்ச்சி அடைந்துள்ளனர்.