ఇగోయిస్ట్ చైతు...
- IndiaGlitz, [Wednesday,December 27 2017]
అక్కినేని నాగ‌చైత‌న్య ఇప్పుడు రెండు సినిమాల్లో న‌టిస్తున్నాడు. ఒక‌టి స‌వ్య‌సాచి ఆల్రెడీ చిత్రీక‌ర‌ణ ద‌శ‌లో ఉంది. ఇక మారుతి దర్శకత్వంలో ఓ సినిమా చేయ‌బోతున్నాడు. ఇటీవ‌ల పూజా కార్య‌క్ర‌మాలు జ‌రిగాయి. త‌ర్వ‌లోనే రెగ్యుల‌ర్ షూటింగ్ జ‌ర‌గనుంది. 'శైల‌జా రెడ్డి అల్లుడు' అనే టైటిల్ దీనికి ప్ర‌చారంలో ఉంది.
తాజా స‌మాచారం ప్ర‌కారం ఈ చిత్రంలో చైత‌న్య ఇగో ఉన్న యువ‌కుడి పాత్ర‌లో క‌న‌పడ‌తాడ‌ట. అత్త పాత్ర‌లో ర‌మ్య‌కృష్ణ న‌టిస్తుండ‌గా, అను ఇమాన్యుయేల్ హీరోయిన్‌గా న‌టిస్తుంది. 'భ‌లే భ‌లే మ‌గాడివోయ్‌', 'మ‌హానుభావుడు' వంటి చిత్రాల్లో హీరోల డిజార్డర్‌ను ఆస‌క్తిక‌రంగా తెర‌కెక్కించిన ద‌ర్శకుడు మారుతి ఇగోయిస్ట్ క్యారెక్ట‌ర్‌ను ఎలా చూపించ‌బోతున్నాడ‌నేది ఆస‌క్తిని రేపుతుంది.