చెర్రీతో ఈషా స్పెషల్
- IndiaGlitz, [Thursday,December 13 2018]
మెగాప‌వ‌ర్ స్టార్ రామ్‌చ‌ర‌ణ్‌, మాస్ డైరెక్ట‌ర్ బోయ‌పాటి శ్రీను కాంబినేష‌న్‌లో రూపొందుతోన్న చిత్రం 'విన‌య విధేయ రామ'. భారీ బ‌డ్జెట్‌తో రూపొందుతోన్న ఈ చిత్రం పాట చిత్రీక‌ర‌ణ జ‌రుపుకోవాల్సి ఉంది.
అందుకోసం భారీ సెట్ వేస్తున్నారు. అయితే ఇది స్పెషల్ సాంగ్ కావ‌డంతో ఆ స్పెషల్ భామ ఎవ‌రా? అని చిత్ర యూనిట్ తెగ వెతికింది. చాలా మంది హీరోయిన్స్‌ను క‌లిశారు. పేర్లు ప‌రిశీల‌న‌లోకి వ‌చ్చాయి. అన్నీ పోనూ బాలీవుడ్ బ్యూటీ ఈషా గుప్తా ఫైన‌ల్ అయిన‌ట్లు వార్త‌లు వ‌స్తున్నాయి.
బాలీవుడ్ చిత్రాలు 'జ‌న్న‌త్ 2', 'రాజ్ 3' ల్లో న‌టించి ఆక‌ట్టుకున్న ఈషా గుప్తా 'విన‌య‌విధేయ రామ' తో తెలుగులోకి ఎంట్రీ ఇవ్వ‌నుంది. ఈ పాట చిత్రీక‌ర‌ణతో సినిమా మొత్తం షూటింగ్ పూర్త‌వుతుంది. భారీ బ‌డ్జెట్‌తో డి.వి.వి.ఎంట‌ర్‌టైన్‌మెంట్స్ బ్యాన‌ర్‌పై అగ్ర నిర్మాత దాన‌య్య డి.వి.వి ఈ చిత్రాన్ని నిర్మిస్తున్నారు.
బాలీవుడ్ బ్యూటీ కియ‌రా అద్వాని హీరోయిన్‌గా న‌టిస్తున్న ఈ చిత్రంలో ప్ర‌శాంత్‌, ఆర్య‌న్ రాజేశ్‌, స్నేహ, వివేక్ ఒబెరాయ్ త‌దిత‌రులు ప్ర‌ధాన తారాణంగా న‌టిస్తున్నారు. ఇప్ప‌టికే ఓ పాట‌ను విడుద‌ల చేశారు. 15న మ‌రో పాట విడుద‌ల కానుంది. ప్రీ రిలీజ్ ఈవెంట్‌ను 24న ప్రీ రిలీజ్ నిర్వ‌హించ‌నున్నారు. ఈ ఫంక్ష‌న్‌కి యంగ్ టైగ‌ర్ ఎన్టీఆర్ ముఖ్య అతిథిగా హాజ‌రవుతార‌ని వార్త‌లు విన‌ప‌డుతున్నాయి.