తెలుగు హీరోయిన్ అయిన‌ప్ప‌టికీ తెలుగు సినిమాల్లో అవ‌కాశాల కోసం ఈషా రెబ్బా ఎక్కువ‌గా ఎదురుచూడాల్సి వ‌స్తుంది. ఈ త‌రుణంలో ఈమె ఓ వెబ్‌సిరీస్‌లో న‌టించ‌డానికి గ్రీన్ సిగ్న‌ల్ ఇచ్చేసింద‌ని విశ్వ‌స‌నీయ వ‌ర్గాల స‌మాచారం. హిందీలో విజ‌య‌వంత‌మైన వెబ్ సిరీస్ ల‌స్ట్ స్టోరీస్ త‌ర‌హాలో తెలుగులో ల‌స్ట్ స్టోరీస్‌ను తెర‌కెక్కిస్తున్నారు. రోనీ స్క్రూనీవాలా నిర్మిస్తున్న ఈ వెబ్ సిరీస్‌ను న‌లుగురు ద‌ర్శ‌కులు నాలుగు భాగాలుగా చిత్రీక‌రించ‌నున్నార‌ట‌. అందులో ఓ భాగాన్ని ఘాజీ ఫేమ్ సంక‌ల్ప్ రెడ్డి తెర‌కెక్కించ‌నున్నాడు. ఇందులో ఈషా రెబ్బా న‌టించ‌నుంద‌ట‌. పాత్ర‌, కాన్సెప్ట్ న‌చ్చ‌డంతో ఈషారెబ్బా ఈ వెబ్ సిరీస్‌లో న‌టించ‌డానికి ఓకే చెప్పేసింద‌ట.

ఇప్ప‌టికే నందిని రెడ్డి ద‌ర్శ‌క‌త్వంలో జ‌గ‌ప‌తిబాబు, అమ‌లాపాల్ ప్ర‌ధాన పాత్ర‌ధారులుగా న‌టించిన భాగాన్ని తెర‌కెక్కించారు. మూడో పార్ట్‌ని త‌రుణ్ భాస్క‌ర్ చిత్రీక‌రించాల్సి ఉంది. ఇది కాకుండా సందీప్ వంగా చేయాల్సిన నాలుగో భాగాన్ని ఆయ‌న డైరెక్ట్ చేయ‌డం లేద‌ట‌. ఆయ‌న ఈ వెబ్‌సిరీస్ నుండి త‌ప్పుకుంటున్న‌ట్లు తెలిపారు. మ‌రిప్పుడు నాలుగో భాగాన్ని ఎవ‌రు డైరెక్ట్ చేస్తార‌నేది ఆస‌క్తిక‌రంగా మారింది. అంతా పూర్త‌యిన త‌ర్వాత నెట్‌ఫ్లిక్స్‌లో ఈ వెబ్ సిరీస్ ప్ర‌సారం కానుంది. ఇలాంటి వెబ్‌సిరీస్‌ను తెలుగులో తెర‌కెక్కించ‌డమంటే సాహ‌సం చేస్తున్న‌ట్లే మ‌రి తెలుగు ప్రేక్ష‌కులు ఈ తెలుగు ల‌స్ట్ స్టోరీస్‌ను ఎలా ఆదరిస్తారో వేచి చూద్దాం.