தல அஜித் நடித்து முடித்துள்ள 'விவேகம்' மற்றும் தளபதி விஜய் நடித்து வரும் 'மெர்சல்; ஆகிய இரண்டு படங்களிலும் காஜல் அகர்வால் நாயகியாக நடித்து வருவது தெரிந்ததே. ஆனால் இந்த இரண்டு படங்களுக்கும் எடிட்டிங் செய்து வருகிறார் எடிட்டர் ரூபன்.

ஒரே நேரத்தில் தல, தளபதி படங்களுக்கு எடிட்டிங் செய்து வரும் ரூபன், இந்த இரண்டு படங்கள் குறித்து சுருக்கமாக கூறியது என்னவெனில், 'தல அஜித்தின் 'விவேகம்' மேஜிக்கல் இடி என்றும், தளபதியின் 'மெர்சல்' மின்னல் என்றும் கூறினார்.

அஜித் ஸ்க்ரீனில் தோன்றும்போதே ஒரு இடி இடிப்பதை போன்று அதிரடியாகஇருக்கும் என்றும், அஜித் இதுவரை எடுக்காத ரிஸ்க்குகள் இந்த படத்திற்காக எடுத்துள்ளதாகவும் கூறியுள்ளார். மேலும் அஜித் இதுவரை செய்யாத பல விஷயங்களை இந்த படத்தில் செய்துள்ளதாகவும் குறிப்பாக இரண்டு ரயில்கள் சென்று கொண்டிருக்கும்போது அதற்கு நடுவில் ஒரு சண்டைக்காட்சி என்பது அஜித் எடுத்த அதிகப்படியான ரிஸ்க்கான சண்டைக்காட்சி என்றும் அவர் தெரிவித்தார்.

அதேபோல் தளபதியின் 'மெர்சல்' படத்தை மின்னல் என்று கூறுவது ஏனெனில் விஜய்யின் எனர்ஜி லெவல்தான். இந்த படத்தில் அவரது தோற்றம், ஆக்சன், நடனம் அனைத்திலும் அவருடைய எனர்ஜி வேற லெவலில் இருக்கும்' என்று எடிட்டர் ரூபன் கூறியுள்ளார். எனவே இந்த இரண்டு படங்களும் தல, தளபதி ரசிகர்களுக்கு சிறப்பு விருந்தாக இருக்கும் என்று எதிர்பார்க்கப்படுகிறது.