மணிரத்னம் இயக்கிய 'செக்க சிவந்த வானம்' படத்தை அடுத்து சிம்பு தற்போது 'நான் ராஜாவாதான் வருவேன்' என்ற படத்தில் நடித்து முடித்துள்ளார். இந்த படம் வரும் ஜனவரியில் வெளியாகும் என எதிர்பார்க்கப்படுகிறது.

இந்த நிலையில் தற்போது சிம்பு, இயக்குனர் வெங்கட்பிரபு இயக்கவுள்ள 'மாநாடு' படத்தில் நடிக்கவுள்ளார். சுரேஷ் காமாட்சி தயாரிக்கும் இந்த படத்திற்காக அவர் தயாராகி வரும் நிலையில் இந்த படத்தின் எடிட்டர் பணியை கவனிக்கவுள்ள ப்ரவீண் கே.எல்., இந்த படத்தின் கதை குறித்து தனது சமூக வலைத்தளத்தில் ஒரு கருத்தை பதிவு செய்துள்ளார்.

வெங்கட்ரபிரபு இயக்கவுள்ள 'மாநாடு' படத்தின் கதையை கேட்டு உறைந்து போனேன். இந்த படத்தின் கதையை கேட்டதில் இருந்து எனது தலை சுற்றிக் கொண்டே இருக்கிறது. அற்புதம் மற்றும் அசாதாரணமான கதை' என்று குறிப்பிட்டுள்ளார். இதனையடுத்து இந்த படத்திற்கான எதிர்பார்பு பலமடங்கு அதிகரித்துள்ளதாக கருதப்படுகிறது.