சூப்பர் ஸ்டார் ரஜினிகாந்த் நடிப்பில் அட்டக்கத்தி இயக்குனர் பா.ரஞ்சித் இயகக்த்தில் கடந்த சில மாதங்களாக நடைபெற்று வந்த 'கபாலி' படத்தின் படப்பிடிப்பு சமீபத்தில் முடிவடைந்த நிலையில் தற்போது இந்த படத்தின் போஸ்ட் புரடொக்ஷன்ஸ் பணிகள் ஆரம்பமாகிவிட்டதாக தகவல்கள் வெளிவந்துள்ளது. முதல்கட்டமாக இந்த படத்தை எடிட்டிங் செய்யும் பணியில் எடிட்டர் ப்ரவீண் கே.எல்., ரூபன் மற்றும் இயக்குனர் ரஞ்சித் ஆகியோர் முழுவீச்சில் ஈடுபட்டுள்ளனர்.

படத்தொகுப்பு பணிகள் முடிவடைந்தவுடன் பின்னணி இசை கோர்ப்பு, டப்பிங் மற்றும் கிராபிக்ஸ் பணிகள் ஆரம்பமாகும் என்று கூறப்படுகிறது.

வயதான கேங்ஸ்டர் வேடத்தில் நடித்துள்ள ரஜினிகாந்த்தின் மனைவியாக ராதிகா ஆப்தேவும் மகளாக தன்ஷிகாவும் நடித்துள்ளனர். மேலும் அட்டக்கத்தி' தினேஷ், 'மெட்ராஸ்' கலையரசன், கிஷோர்குமார் உள்பட பலர் இந்த படத்தில் முக்கிய வேடங்களில் நடித்துள்ளனர்.

ரஜினியின் படத்திற்கு முதன்முறையாக சந்தோஷ் நாராயணன் இசையமைக்கின்றார். முரளி ஒளிப்பதிவு செய்துள்ல இந்த படத்தை கலைப்புலி எஸ்.தாணு பெரும் பொருட்செலவில் தயாரித்துள்லார். இந்த படம் வரும் மே மாதம் ரிலீஸ் ஆகும் என எதிர்பார்க்கப்படுகிறது.