வரும் சட்டப்பேரவை தேர்தலுக்கான பிரச்சாரத்தில் அதிமுக, திமுக, மநீக, அமமுக, நாம் தமிழர் கட்சி என்று ஐந்து கட்ட போட்டி நிலவிவருகிறது. இந்நிலையல் அதிமுக முதல்வர் வேட்பாளர் எடப்பாடி பழனிசாமி தான் தேர்தல் பிரச்சாரத்திற்கு செல்லும் இடங்களில் எல்லாம் அதிமுக மக்களுக்காக கொண்டு வந்த நலத்திட்டங்களை எடுத்துக் கூறி வருகிறார்.

மேலும் எதிர்க்கட்சி செய்யத் தவறிய சில விஷயங்களையும் எடுத்துக் கூறி வருகிறார். அத்தகைய விமர்சனங்களில் காவிரி மேலாண்மை வாரியம் முக்கிய இடம் பெறுகிறது. அதே போல தற்போது தேர்தல் அறிக்கையாகக் கொண்டு வந்து இருக்கும் தேர்தல் அறிவிப்பு குறித்தும் அவர் விமர்சனம் செய்து வருகிறார். மேலும் இந்தப் பிரச்சாரங்களில் பாதுகாக்கப்பட்ட வேளாண் மண்டலம் கொண்டு வந்தது குறித்தும் அவர் பெருமையோடு தெரிவித்து கொண்டுள்ளார்.

இத்தகைய விமர்சனங்களைத் தொடர்ந்து எதிர்க்கட்சி தொடர்ந்து மக்களிடம் சில தவறான கருத்துகளை பரப்பி வருகிறது. அப்படி இல்லாமல் அதிமுக நல்ல ஆட்சியைத்தான் மக்களுக்கு தந்து இருக்கிறது. மேலும் திறமையான ஆட்சியைத் தருவதற்காகத்தான் தேர்தலில் தீவிரம் காட்டி வருகிறது என்றும் அவர் விளக்கம் தந்துள்ளார்.