தமிழகத்தில் ஒவ்வொரு நாளும் கொரோனா வைரஸ் பாதிப்பு அதிகரித்து கொண்டே வருகிறது என்பதால் தமிழக அரசு ஊரடங்கு உட்பட பல்வேறு அதிரடி நடவடிக்கைகளை எடுத்து வருகிறது. இந்த நிலையில் கொரோனா வைரஸ் நோயை கட்டுப்படுத்த தீவிரமாக செயல்பட்டு வரும் தமிழக அரசுக்கு ஆதரவு கொடுக்கும் வகையில் பல திரையுலக பிரபலங்கள் தாராளமாக நிதி அளித்து வருகின்றனர் என்பதை ஏற்கனவே பார்த்து வருகிறோம்

நடிகர் சிவகுமார் குடும்பத்தினர் ஒரு கோடி ரூபாய், ரஜினி மகள் குடும்பத்தினர் ஒரு கோடி ரூபாய், ரஜினிகாந்த் 50 லட்சம் ரூபாய், தல அஜித் 25 லட்சம் ரூபாய், ஷங்கர் 15 லட்சம் ரூபாய், என பல திரையுலக பிரமுகர்கள் லட்சக்கணக்கில் கோடிக்கணக்கில் நிதி அளித்து வருகிறார்கள்

அந்த வகையில் தற்போது முதல்முறையாக நடிகை ஒருவர் நிவாரண நிதியை ஆரம்பித்து வைத்துள்ளார். சிம்பு நடித்த ‘ஈஸ்வரன்’ திரைப்படத்தின் நாயகியான நிதி அகர்வால் கொரோனா நிவாரண நிதியாக ரூபாய் ஒரு லட்சம் முதலமைச்சர் நிவாரண நிதியாக அளித்து உள்ளார். இதனை அடுத்து மேலும் சில நடிகைகள் நிதி அளிப்பார்கள் என்று எதிர்பார்க்கப்படுகிறது.