நெல்லை, கன்னியாகுமரி மாவட்டங்களில் லேசான நில அதிர்வு!
- IndiaGlitz, [Thursday,April 29 2021]
திருநெல்வேலி மாவட்டத்தின் கடற்கரை பகுதிகளான கூடன்குளம், கூட்டப்புளி, ராதாபுரம், பணகுடி போன்ற பகுதிகளில் லேசான நில அதிர்வு உணரப்பட்டதாகத் தகவல் வெளியாகி இருக்கிறது. இந்த நில அதிர்வு வெறும் 30 வினாடிகள் வரைமட்டுமே நீடித்ததாகவும் ஊடகங்களில் செய்தி வெளியாகி இருக்கிறது.
திருநெல்வேலி தவிர கன்னியாக்குமரி மாவட்டத்தின் அஞ்சுகிராமம், நாகர்கோவில் பகுதிகளிலும் நில அதிர்வு உணரப்பட்டதாகப் பொதுமக்கள் கூறியுள்ளனர். நேற்று அசாமில் 6.4 ரிக்டர் அளவில் நிலநடுக்கம் ஏற்பட்டு கூடவே சேதத்தையும் ஏற்படுத்தியது. அசாமில் ஏற்பட்ட நிலநடுக்கம் அடுத்தடுத்து 3 முறை ஏற்பட்டு வடகிழக்கு மற்றும் மேற்கு வங்கத்தின் சில பகுதிகளில் கடும் பீதியை ஏற்படுத்தியது.
இந்த செய்தியை அடுத்து தற்போது தமிழகத்தின் நெல்லை, கன்னியாக்குமரி பகுதிகளில் லேசான நில அதிர்வு உணரப்பட்டு இருக்கிறது. இதுகுறித்து முழுமையான தகவல் இன்னும் வெளியாக வில்லை என்பதும் குறிப்பிடத்தக்கது.