ద్వారక సెన్సార్ పూర్తి - ఈనెలలోనే రిలీజ్..!
- IndiaGlitz, [Tuesday,November 08 2016]
విజయ్‌ దేవరకొండ, పూజ జవేరి జంటగా నటించిన చిత్రం ద్వారక. ఈ చిత్రాన్ని శ్రీనివాస్ రవీంద్ర తెర‌కెక్కించారు. సూపర్‌గుడ్‌ ఫిలింస్(ఆర్‌.బి.చౌదరి) సమర్పణలో లెజెండ్‌ సినిమా బ్యానర్ పై ప్రద్యుమ్న, గణేష్ సంయుక్తంగా ఈ చిత్రాన్ని నిర్మించారు. ఈ చిత్రం సెన్సార్ కార్య‌క్ర‌మాల‌ను పూర్తి చేసుకుంది. సెన్సార్ బోర్డ్ ఈ చిత్రానికి యు/ఎ స‌ర్టిఫికెట్ ఇచ్చింది. ఈ చిత్రాన్ని చూసిన సెన్సార్ బోర్డ్ మెంబ‌ర్స్ హిలేరియ‌స్ ఎంట‌ర్ టైన‌ర్ గా ఈ చిత్రాన్ని తెర‌కెక్కించిన విధానం బాగుంది అంటూ ద్వారక టీమ్ ని అభినందించారు. ఈ మూవీ ట్రైల‌ర్ 1 మిలియ‌న్ వ్యూస్ సాధించ‌డం విశేషం. ఈ చిత్రానికి సాయికార్తీక్ సంగీతం అందించారు. యూత్ ఫుల్ ఎంట‌ర్ టైన‌ర్ గా రూపొందిన ఈ చిత్రాన్ని ఈనెలలోనే రిలీజ్ చేయ‌నున్న‌ట్టు చిత్ర నిర్మాతలు తెలియ‌చేసారు.
విజయ్‌ దేవరకొండ, పూజ జవేరి జంటగా నటిస్తున్న ఈ చిత్రంలో ప్రకాష్‌రాజ్‌, మురళీ శర్మ, పృథ్వీ, రఘుబాబు, ప్రభాకర్‌, కృష్ణభగవాన్‌, షకలక శంకర్‌, ఉత్తేజ్‌, నవీన్‌, గిరిధర్‌ తదితరులు నటించిన ఈ చిత్రానికి మాటలు: లక్ష్మీభూపాల్‌, ఫైట్స్‌: విజయ్‌, ఆర్ట్‌: బ్రహ్మకడలి, ఎడిటింగ్‌: ప్రవీణ్‌పూడి, సినిమాటోగ్రఫీ: శ్యామ్‌.కె.నాయుడు, సంగీతం: సాయికార్తీక్, నిర్మాతలు: ప్రద్యుమ్న, గణేష్, కథ, స్క్రీన్‌ప్లే, దర్శకత్వం: శ్రీనివాస్ రవీంద్ర(ఎం.ఎస్.ఆర్‌).