మూడు తమిళ చిత్రాలను తెలుగులో రిలీజ్ చేస్తున్న డి.వి.క్రియేషన్స్..!
- IndiaGlitz, [Tuesday,November 08 2016]
డి.వి.క్రియేషన్స్ డి. వెంక‌టేష్ మూడు క్రేజీ తమిళ చిత్రాలను తెలుగు ప్రేక్ష‌కుల‌కు అందిస్తున్నారు. జీవా, కాజ‌ల్ అగ‌ర్వాల్ జంటగా నటించిన తమిళ చిత్రం క‌వ‌లై వేడ‌మ్. ఈ చిత్రాన్ని ఎంత‌వ‌ర‌కు ఈ ప్రేమ టైటిల్ తో తెలుగు ప్రేక్ష‌కుల‌కు అందిస్తున్నారు. ఈ చిత్రాన్ని తెలుగు, త‌మిళ్ లో ఒకేసారి రిలీజ్ చేయ‌డానికి ప్లాన్ చేస్తున్నారు. విజయ్ సేతుప‌తి, గాయ‌త్రి నటించిన పురియాధ పుధీర్ చిత్రాన్ని తెలుగులో పిజ్జా 2 టైటిల్ తో విడుదల చేయ‌నున్నారు. ఈ సైక‌లాజిక‌ల్ థ్రిల్ల‌ర్ మూవీని రంజిత్ జేయ‌కోడి తెర‌కెక్కించారు. డి.వి.క్రియేషన్స్ సంస్థ అందిస్తున్న‌మూడ‌వ చిత్రం అందాల ప్రేయ‌సి. ఈ చిత్రంలో వ‌సంత ర‌వి, ఆందేరి జేరేమై, అంజ‌లి త‌దిత‌రులు న‌టించారు. ఈ చిత్రాన్ని కూడా తెలుగు, త‌మిళ్ లో ఒకేసారి రిలీజ్ చేయ‌నున్నారు. ఈ మూడు చిత్రాల రిలీజ్ డేట్స్ ను త్వ‌ర‌లోనే ఎనౌన్స్ చేయ‌నున్నారు.