దుబాయ్ వెళుతున్న జగన్నాథమ్...
- IndiaGlitz, [Sunday,February 26 2017]
ఆర్య, ప‌రుగు సినిమాల తర్వాత స్టైలిష్ స్టార్ అల్లుఅర్జున్, నిర్మాత దిల్‌రాజు కాంబినేష‌న్‌లో రూపొందుతోన్న చిత్రం 'డిజె దువ్వాడ జగన్నాథమ్'.గ‌బ్బ‌ర్ సింగ్‌, సుబ్ర‌మ‌ణ్యం ఫ‌ర్ సేల్ చిత్రాల ద‌ర్శ‌కుడు హ‌రీష్ శంక‌ర్ దర్శకత్వంలో ఈ సినిమా తెర‌కెక్కుతోంది. సినిమా ఇప్పుడు ఫైన‌ల్ షెడ్యూల్ చిత్రీకరణ సిద్ధ‌మైంది.
రీసెంట్‌గా క‌ర్ణాట‌క షెడ్యూల్ స‌జావుగా పూర్త‌య్యింది. సినిమా ఫైన‌ల్ షెడ్యూల్‌ను దుబాయ్‌లో చిత్రీక‌రిస్తార‌ట. మార్చిలో జ‌ర‌గబోతున్నఈ షెడ్యూల్‌ను ప‌ది రోజుల పాటు షూట్ చేస్తార‌ట. దీంతో చిత్రీక‌ర‌ణ‌ను పూర్తి చేస్తార‌ట. స‌మాంత‌రంగా పోస్ట్ ప్రొడ‌క్ష‌న్ కార్య‌క్ర‌మాల‌ను పూర్తి చేసి సినిమాను మే 19న విడుద‌ల చేయాల‌నుకుంటున్నారు. ఈ సినిమాలో పూజా హెగ్డే హీరోయిన్‌గా న‌టిస్తుంది. రీసెంట్‌గా విడుద‌లైన ఈ సినిమా టీజ‌ర్ మూడు మిలియ‌న్ వ్యూస్‌తో సెన్సేష‌న్ క్రియేట్ చేసింది.