தல தோனி தலைமையிலான சென்னை சூப்பர் கிங்ஸ் அணி நேற்று முன் தினம் நடைபெற்ற ஐபிஎல் போட்டியின் இறுதி போட்டியில் ஐதராபாத் அணியை 8 விக்கெட்டுக்கள் வித்தியாசத்தில் வீழ்த்தி மூன்றாவது முறையாக ஐபிஎல் சாம்பியன் பட்டத்தை பெற்றது.

இந்த நிலையில் வெற்றிக்கோப்பையுடன் தோனி உள்பட சென்னை அணி வீரர்கள் அனைவரும் நேற்று சென்னைக்கு வருகை தந்தனர். விமான நிலையத்தில் சென்னை அணி வீரர்களுக்கு உற்சாக வரவேற்பு அளிக்கப்பட்டது.

இந்த நிலையில் சென்னை சூப்பர் கிங்ஸ் அணியின் கேப்டன் தல தோனியை திமுக பிரமுகர் துரைமுருகன் நேரில் சந்தித்து கோப்பையை வென்றதற்கு வாழ்த்து தெரிவித்து அவருடன் புகைப்படம் எடுத்து கொண்டார். இந்த சந்திப்பின்போது தமது கையெழுத்துடன் கூடிய சிஎஸ்கே டி சர்ட்டை துரைமுருகனுக்கு தோனி பரிசாக அளித்தார் என்பது குறிப்பிடத்தக்கது.

தோனியுடன் துரைமுருகன் எடுத்து கொண்ட புகைப்படம் தற்போது சமூக இணையதளங்களில் வைரலாகி வருகிறது.