நடிகனாகி இருந்தால் ஜெயலலிதாவுடன் நடித்திருப்பேன்: துரைமுருகன்
- IndiaGlitz, [Wednesday,June 27 2018]
அரசியல்வாதியாக இல்லாமல் நடிகனாக இருந்திருந்தால் எனக்கும் ஜெயலலிதாவுடன் நடிக்க வாய்ப்பு கிடைத்திருக்கும் என்று எதிர்க்கட்சி துணைத்தலைவர் துரைமுருகன் இன்று சட்டப்பேரவையில் கூறியவுடன் அவையில் சிரிப்பலை எழுந்தது.
சட்டமன்றத்தில் இன்று பேசிய துரைமுருகன், கிராமிய கலைஞர்களை ஊக்குவிக்கும் நடவடிக்கைகளை அரசு எடுக்க முன்வர வேண்டும் என்று பேசினார். மேலும் கிராமிய பாடல்களை அவையில் அவர் பாடியும் காட்டினார். அப்போது குறுக்கிட்ட சபாநாயகர் துரைமுருகன், அழகாக பாடும் திறமையுள்ள நீங்கள் நாடகங்களில் நடித்துள்ளீர்களா? என்று கேட்டார்.
இதற்கு பதிலளித்த துரைமுருகன் தான் சிறுவயதில் பல நாடகங்களில் நடித்திருந்ததாகவும், அரசியலுக்கு வராமல் சினிமாத்துறைக்கு நடிக்க சென்றிருந்தால் சிவாஜி கணேசன் போல பெரிய நடிகராகியிருப்பேன் என்றும், ஜெயலலிதாவுடன் நடிக்கவும் தனக்கு ஒரு வாய்ப்பு கிடைத்திருக்கும் என்றும் கூறினார். துரைமுருகனின் இந்த பேச்சால் அவையில் சிரிப்பலைகள் எழுந்தன