பிக்பாஸ் நிகழ்ச்சி 1இல் கலந்து கொண்ட ஓவியாவுக்கு அவரது பெயரில் ஆர்மி ஆரம்பிக்கப்பட்டது என்பதும், அந்த ஆர்மி இன்னும் டுவிட்டரில் அவ்வப்போது டிரெண்டில் உள்ளது என்பதும் தெரிந்ததே.

அதேபோல் பிக்பாஸ் 2 நிகழ்ச்சியில் கலந்து கொண்ட யாஷிகா ஆனந்த், ஜனனி, மும்தாஜ், ஐஸ்வர்யா உள்பட ஒருசிலருக்கும் ஆர்மி ஆரம்பிக்கப்பட்டுள்ளது என்பது குறிப்பிடத்தக்கது.

இந்த நிலையில் திமுக பிரமுகர் துரைமுருகன் அவ்வப்போது செய்தியாளர்களை சந்திக்கும்போது சொல்லும் பதில்கள் சுவாரஸ்யமாக இருப்பதால் தற்போது அவருக்கும் ஃபேஸ்புக்கில் துரைமுருகன் ஆர்மி என்ற பெயரில் ஒரு ஆர்மியை நெட்டிசன்கள் ஆரம்பித்துள்ளனர். இதுகுறித்து செய்தியாளர்கள் அவரிடம் கேட்டபோது, 'அப்ப பிக்பாஸ் ஓவியாவுக்கு பின்னர் எனக்குத்தான் ஆர்மி ஆரம்பிக்கப்பட்டுள்ளதா? அப்ப இனிமேல் இன்னும் சுவாரஸ்யமாக பேட்டி அளிக்க வேண்டும் போல' என்று கூறினார்.