తొలి చిత్రం 'ద‌ఢ‌క్‌'తో స‌క్సెస్‌ఫుల్ హీరోయిన్‌గా పేరు సంపాదించుకుంది శ్రీదేవి త‌న‌య జాన్వీకపూర్‌. రెండో సినిమాగా క‌ర‌ణ్ జోహార్ ధ‌ర్మ ప్రొడ‌క్ష‌న్స్ బ్యాన‌ర్‌లో ఓ బ‌యోపిక్ చేయ‌నుంది. తొలి మ‌హిళా ఐఎఎఫ్‌ ఫైల‌ట్ గుంజనా స‌క్సేనా జీవిత క‌థ‌ను ఆధారంగా చేసుకుని ఈ బ‌యోపిక్‌ను తెర‌కెక్కించ‌నున్నారు.

1999 కార్గిల్ యుద్ధంలో యుద్ధంలో గాయ‌ప‌డ్డ వారిని గుంజ‌నా త‌న విమానంలో ఎక్కించుకుని సుర‌క్షిత ప్రాంతాల‌కు త‌ర‌లించారు. ఈమె బ‌యోపిక్‌కు సంబంధించిన ప్రీ ప్రొడ‌క్ష‌న్ ప‌నులు శ‌ర‌వేగంగా జ‌రుగుతున్నాయి.

అందులో భాగంగా జాన్వీకపూర్ ఇటీవ‌ల గుంజ‌నాను క‌లిశారు. లెటెస్ట్ న్యూస్ ప్ర‌కారం ఇందులో జాన్వీ జోడిగా దుల్క‌ర్ స‌ల్మాన్ న‌టించ‌నున్నార‌ట‌. ఇప్ప‌టికే క‌ర్వా, జోయా ఫ్యాక్ట‌రీ బాలీవుడ్ చిత్రాల్లో న‌టించారు దుల్క‌ర్‌.