தன்ஷிகா படத்தில் இணைந்த மணிரத்னம் நாயகன்
- IndiaGlitz, [Saturday,March 11 2017]
'கபாலி' புகழ் தன்ஷிகா தற்போது இயக்குனர் ரமணா இயக்கத்தில் ஒரு படத்தில் நடிக்கவுள்ளார். தமிழ், தெலுங்கு என இருமொழிகளில் தயாராகவுள்ள இந்த பெரியடப்படாத படத்தின் படப்பிடிப்பு விரைவில் தொடங்கவுள்ளது
இந்நிலையில் இந்த படத்தில் 'மணிரத்னம் இயக்கிய 'ஓகே கண்மணி' நாயகனும் பிரபல மலையாள நடிகருமான துல்கர் சல்மான் சிறப்பு தோற்றத்தில் நடிக்கவுள்ளதாக படக்குழுவினர்களிடம் இருந்து தகவல்கள் வெளிவந்துள்ளது.
'ஓகே கண்மணி' படத்தை அடுத்து துல்கர் சல்மான் ஏற்கனவே இரண்டு படங்களில் ஹீரோவாக நடிக்க ஒப்பந்தமாகியுள்ள நிலையில் இந்த படத்தில் சிறப்பு தோற்றத்தில் நடிக்கவுள்ளார் என்பது குறிப்பிடத்தக்கது
ஒருசில மலையாள படங்களில் துல்கர் சல்மான் சிறப்பு தோற்றத்தில் நடித்திருந்த நிலையில் தமிழ்ப்படத்தில் அவர் சிறப்பு தோற்றத்தில் நடிப்பது இதுவே முதல்முறை என்பது குறிப்பிடத்தக்கது.