మ‌ల‌యాళ స్టార్ హీరో దుల్క‌ర్ స‌ల్మాన్ ఓకే బంగారంతో అటు త‌మిళంలోనే కాదు.. తెలుగులోనూ స‌క్సెస్ కొట్టాడు. అలాగే మ‌హాన‌టిలో జెమినీగ‌ణేశ‌న్ పాత్ర‌ధారిగా త‌న న‌ట‌న‌తో టాలీవుడ్ ప్రేక్ష‌కుల‌కు మ‌రింత ద‌గ్గర‌య్యారు. రీసెంట్‌గా కూడా త‌మిళ చిత్రం రీమేక్ క‌నులు క‌నుల‌ను దోచాయంటే సినిమా కూడా మంచి టాక్‌నే సంపాదించుకుంది. ఈ నేప‌థ్యంలో దుల్క‌ర్ స‌ల్మాన్ గురించి ఆస‌క్తిక‌ర‌మైన వార్తొక‌టి సోష‌ల్ మీడియాలో హ‌ల్ చ‌ల్ చేస్తుంది. అదేంటంటే.. దుల్క‌ర్ ఓ స్ట్ర‌యిట్ తెలుగు సినిమాలో న‌టించ‌బోతున్నాడ‌ట‌. ఈ సినిమాను డైరెక్ట‌ర్ హ‌ను రాఘ‌వ‌పూడి తెర‌కెక్కిస్తాడ‌ని వార్త‌లు విన‌ప‌డుతున్నాయి.

వివ‌రాల మేర‌కు దుల్క‌ర్ ఓ ప‌వ‌ర్‌ఫుల్ పోలీస్ ఆఫీస్ పాత్ర‌లో క‌నిపించ‌బోతున్నాడ‌ని అంటున్నారు. ఇటీవ‌ల హ‌ను రాఘ‌వ‌పూడి, దుల్క‌ర్‌ను క‌లిసి క‌థ‌ను వినిపించాడ‌ట‌. అంతా బాగానే ఉన్న‌ప్ప‌టికీ క్లైమాక్స్ ఇంకా బాగా ఉండాల‌ని దుల్క‌ర్ కోరాడ‌ని టాక్‌. ఇప్పుడు హ‌ను రాఘ‌వ‌పూడి స‌ద‌రు సినిమా క్లైమాక్స్‌పై వ‌ర్క్ చేస్తున్నాడ‌ట‌. ప‌డిప‌డిలేచె మ‌న‌సు ప్లాప్ కావ‌డంతో హ‌ను రాఘ‌వ‌పూడికి మ‌రో తెలుగు హీరో అవ‌కాశం ఇవ్వ‌లేదు. ఇప్పుడు దుల్క‌ర్ ఓకే అంటే అయినా స‌క్సెస్ కొట్టి హను రాఘ‌వ‌పూడి ప్రూవ్ చేసుకుంటాడో లేదో చూడాలి.