துல்கர் சல்மானின் அடுத்த தமிழ்ப்பட டைட்டில் அறிவிப்பு
- IndiaGlitz, [Friday,June 15 2018]
இயக்குனர் மணிரத்னம் இயக்கிய 'ஓ காதல் கண்மணி' படத்தின் மூலம் தமிழ் திரையுலகிற்கு அறிமுகமான மலையாள சூப்பர் ஸ்டார் மம்முட்டியின் மகன் துல்கர் சல்மான் அதன் பின்னர் 'சோலோ' மற்றும் 'நடிகையர் திலகம்' ஆகிய படங்களில் நடித்தார். மேலும் தற்போது அவர் 'கண்ணும் கண்ணும் கொள்ளையடித்தால்' என்ற படத்திலும் நடித்துவருகிறார்.
இந்த நிலையில் துல்கர் சல்மான் நடிக்கும் அடுத்த படத்தின் டைட்டில் சற்றுமுன் அறிவிக்கப்பட்டுள்ளது. இந்த படத்திற்கு 'வான்' என்ற டைட்டில் வைக்கப்பட்டுள்ளது. கார்த்திக் என்பவர் இந்த படத்தை இயக்கவுள்ளார்.
ஜார்ஜ் வில்லியம்ஸ் ஒளிப்பதிவில், தீனதயாளன் இசையமைப்பில் ஸ்ரீகர் பிரசாத் படத்தொகுப்பில் உருவாகவுள்ள இந்த படத்தை கெனன்யா பிலிம்ஸ் நிறுவனம் தயாரிக்கவுள்ளது. ஆக்சன் படமாக உருவாகவுள்ள இந்த படத்திற்கு திலீப் சுப்பராயன் இசையமைக்கவுள்ளார்.