ఇండియ‌న్ ఏస్ డైరెక్ట‌ర్ మ‌ణిర‌త్నం ద‌ర్శ‌క‌త్వంలో కార్తీ, అదితిరావు హైద‌రీ హీరో హీరోయిన్లుగా రూపొందుతోన్న ల‌వ్ ఎంట‌ర్‌టైన‌ర్ `డ్యూయెట్‌`( త‌మిళంలో కాట్రు వెలియిడు). ఈ సినిమాను తెలుగులో దిల్‌రాజు బ్యాన‌ర్ శ్రీ వెంక‌టేశ్వ‌ర క్రియేష‌న్స్ బ్యాన‌ర్‌పై మార్చిలో విడుద‌ల చేయ‌డానికి స‌న్నాహాలు జ‌ర‌గుతున్నాయి. ప్ర‌స్తుతం సినిమా టాకీ పార్ట్ పూర్తి చేసుకుని సాంగ్స్ చిత్రీక‌ర‌ణను జ‌రుపుకుంటుంది. సాంగ్స్ చిత్రీక‌ర‌ణ‌లో భాగంగా ఇప్పుడు యూనిట్ బెల్‌గ్రేడ్‌లో ఓ పాట‌ను చిత్రీక‌రిస్తున్నారు. ఈ సినిమాలో కార్తీ ఆర్మీ ఫైల‌ట్‌లా న‌టిస్తున్నాడు. ఓకే బంగారం వంటి స‌క్సెస్‌ త‌ర్వాత మ‌ణిర‌త్నం ద‌ర్శ‌క‌త్వంలో వ‌స్తున్న మ‌రో ల‌వ్ స్టోరి ఇది. సినిమా కోసం అభిమానులు ఆస‌క్తిగానే ఎదురుచూస్తున్నారు.