பிரபல நடிகை ஸ்ரீதேவி எதிர்பாராதவிதமாக மாரடைப்பு ஏற்பட்டு துபாயில் மரணம் அடைந்த நிலையில் அவரது உடலை இந்தியாவுக்கு கொண்டு வருவதற்கான ஏற்பாடுகள் கடந்த சில மணி நேரங்களாக நடைபெற்று வருகிறது.

இந்த நிலையில் சற்றுமுன் வெளியான தடயவியல் அறிக்கையில் ஸ்ரீதேவி மரணம் சந்தேகத்திற்குரியதாக இல்லை என்றும், அவருக்கு ஏற்பட்ட மாரடைப்பே அவரது மரணத்திற்கு காரணம் என்றும் தெரிவிக்கப்பட்டிருந்தது

இந்த நிலையில் தற்போது ஸ்ரீதேவியின் பிரேத பரிசோதனை அறிக்கையும் வெளிவந்துள்ளது. இந்த அறிக்கையில் ஸ்ரீதேவியின் இறப்புக்கு காரணம் எதிர்பாராமல் ஏற்பட்ட மாரடைப்பு தான் காரணம் என்றும் தடயவியல் சோதனை அறிக்கையை உறுதி செய்யும் வகையில் உள்ளது. மேலும் அவரது உடலில் சிறிய அளவில் ஆல்கஹால் இருந்ததாகவும் குறிப்பிடப்பட்டுள்ளது.

பிரேத பரிசோதனை அறிக்கை மற்றும் தடயவியல் அறிக்கை ஆகியவற்றை அடுத்து இன்னும் ஒருசில மணி நேரத்தில் ஸ்ரீதேவியின் உடல் மும்பைக்கு வரும் என்று எதிர்பார்க்கப்படுகிறது.