‘దృశ్యం’ దర్శకుడి పరిస్థితి విషమం..
- IndiaGlitz, [Wednesday,August 12 2020]
‘దృశ్యం’ దర్శకుడి పరిస్థితి విషమంగా ఉంది. బాలీవుడ్‌లో ‘దృశ్యం’ చిత్రాన్ని అజయ్ దేవగన్‌తో తెరకెక్కించిన నిషికాంత్ కామత్ తీవ్ర అనారోగ్యం పాలయ్యారు. ఆయన ప్రస్తుతం చికిత్స నిమిత్తం ఓ ప్రైవేటు ఆసుపత్రిలో జాయిన్ చేరారు. గతంలో ఆయన లివర్ సిరోసిస్‌తో బాధపడ్డారు. మళ్లీ ఆయనకు ఆ వ్యాధి తిరగబెట్టినట్టు సమాచారం. దీంతో ఆయన పరిస్థితి విషమంగా మారడంతో వెంటనే చికిత్స నిమిత్తం ఆసుపత్రిలో చేరారు.
నీలకంఠ దృశ్యం, మాదారీ, ముంబై మేరీ జాన్ తదితర చిత్రాలతో దర్శకుడిగా మంచి పేరును సంపాదించుకున్నారు. అలా కాకుండా, చిత్ర నిర్మాత సాచి ఆత్ ఘరత్ వంటి కొన్ని మరాఠీ చిత్రాలలో కూడా నటించారు. 2005లో మరాఠీ చిత్రం డొంబివాలి ఫాస్ట్‌‌కు ఆయన దర్శకత్వం వహించారు. ఆ ఏడాది విడుదలైన మరాఠీ సినిమాలలో అతి పెద్ద హిట్‌లలో ఈ సినిమా కూడా ఒకటిగా నిలిచింది. ఈ చిత్రం విమర్శకుల ప్రశంసలు సైతం అందుకుంది. 2006లో మరాఠీలో ఉత్తమ చలన చిత్రంగా జాతీయ చలనచిత్ర పురస్కారాన్ని పొందింది.
నిషికాంత్ చిత్రం ‘దృశ్యం’ 2015 లో విడుదలైంది. అజయ్ దేవ్‌గన్ ముఖ్య పాత్రలో నటించగా... ఈ చిత్రంలో టబు కూడా ప్రధాన పాత్రలో నటించింది. ఈ చిత్రం కొన్ని రోజుల క్రితమే ఐదేళ్ళు పూర్తి చేసుకుంది. ఈ సందర్భంగా టబు తన ఇన్‌స్టాగ్రామ్ ఖాతాలో ఈ విషయాన్ని పంచుకున్నారు. నిషికాంత్ కామత్ ఇటీవల 2016లో విడుదలైన జాన్ అబ్రహం నటించిన రాకీ హ్యాండ్సమ్‌లో నెగటివ్ రోల్‌లో కనిపించారు. అంతే కాకుండా.. భవేష్ జోషి సూపర్ హీరో, ఫుగే, జూలీ 2లలో నటించారు. నిషికాంత్ తదుపరి చిత్రం దర్బదార్ 2022 లో విడుదల కానుంది.