కార్తీక్ - కాశ్మీరా జంట‌గా పుష్య‌మి ఫిలింస్ బ్యాన‌ర్ పై బెల్లం రామ‌కృష్ణారెడ్డి స్వీయ ద‌ర్శ‌క‌త్వంలో రూపొందిన చిత్రం దృశ్య‌కావ్యం. విభిన్న క‌థాంశంతో రూపొందిన దృశ్య‌కావ్యం చిత్రాన్ని ఈనెల 18న విడుద‌ల చేస్తున్నారు.

దృశ్య‌కావ్యం ద‌ర్శ‌క‌నిర్మాత బెల్లం రామ‌కృష్ణారెడ్డి మాట్లాడుతూ...చిన్న‌ప్ప‌టి నుంచి సినిమాలంటే ఇష్టం. సినిమా రంగంలో ప్ర‌వేశించి ద‌ర్శ‌కుడు అవ్వాల‌నుకున్నాను. సినిమాల గురించి తెలుసుకోవాల‌నే ఉద్దేశ్యంతో శ్రీకాంత్ - కామ్నా జెఠ్మలానీ జంట‌గా వీడికి దూకుడెక్కువ సినిమాని నిర్మించాను. ఈ సినిమా నిర్మాణ స‌మ‌యంలో చాలా నేర్చుకున్నాను. అది దృశ్యకావ్యం సినిమా తెర‌కెక్కించ‌డానికి బాగా ఉప‌యోగ‌ప‌డింది. ఈ సినిమా క‌థ కోసం సంవ‌త్స‌రం పాటు స్ర్కిప్ట్ వ‌ర్క్ చేసాను. ఈ సినిమాకి కొత్త‌వాళ్లు అయితేనే క‌రెక్ట్ అనిపించి కొత్త వాళ్ల‌తో చేసాను. ఓ ప్రేక్ష‌కుడిగా నేను ఏం కోరుకుంటానో అది ఈ సినిమాలో ఉంటుంది. ఈ సినిమాలో 14 మంది క‌మెడియ‌న్స్ న‌టించారు. వీరు చేసే కామెడీ ప్రేక్ష‌కుల‌ను క‌డుపుబ్బా న‌వ్విస్తుంది. ఈ సినిమాకి క‌థ‌, ప్రాణం క‌మ‌లాక‌ర్ అందించిన సంగీతం ప్ర‌త్యేకార్ష‌ణ‌గా నిలుస్తాయి.ప్ర‌తి ఒక్క‌రికి ఈ సినిమా క‌నెక్ట్ అవుతుంది అనేది నా న‌మ్మ‌కం అన్నారు.