மோகன்லால், மீனா நடிப்பில் இயக்குனர் ஜீத்து ஜோசப் இயக்கத்தில் உருவான ’த்ரிஷ்யம் படத்தின் இரண்டாம் பாகம் சமீபத்தில் வெளியானது என்பதும் ஓடிடியில் வெளியான போதிலும் இந்த படம் நல்ல வசூலை வாரி குவித்தது என்பதும் தெரிந்ததே.

இந்த நிலையில் ஏற்கனவே ’த்ரிஷ்யம் 2 படத்தின் தெலுங்கு ரீமேக் பணிகள் நடைபெற்று வருகிறது என்பதும் வெங்கடேஷ், மீனா, நதியா உள்பட பலர் இந்த படத்தில் நடித்து வருகின்றனர் என்பதும் தெரிந்ததே.

இந்த நிலையில் தற்போது தெலுங்கை அடுத்து ’த்ரிஷ்யம் 2 திரைப்படம் ஹிந்தியிலும் ரீமேக் செய்ய உள்ளதாக அறிவிக்கப்பட்டுள்ளது. ’த்ரிஷ்யம் 2’ ஹிந்தி ரீமேக் உரிமையை பனோரமா ஸ்டூடியோ இன்டர்நேஷனல் என்ற நிறுவனம் கைப்பற்றி உள்ளதாக அறிவிக்கப்பட்டுள்ளது. இந்த படத்தின் ரீமேக் உரிமையை பெற்றதில் தாங்கள் மிகவும் மகிழ்ச்சி அடைவதாகவும் இந்த படத்தின் படப்பிடிப்பை விரைவில் தொடங்க உள்ளதாகவும் அறிவிக்கப்பட்டுள்ளது.

’த்ரிஷ்யம் முதல் பாகம் ஹிந்தி ரீமேக்கில் அஜய் தேவ்கான், ஸ்ரேயா சரண், தபு நடித்த நிலையில் இரண்டாம் பாகத்தில் அவர்களே தொடர்ந்து நடிப்பார்களா? என்பதை பொறுத்திருந்து பார்ப்போம்.