'த்ரிஷ்யம் 2' படப்பிடிப்பு தொடக்கம்: தமிழிலும் ரீமேக் செய்யப்படுமா?
- IndiaGlitz, [Sunday,September 20 2020]
பிரபல மலையாள இயக்குனர் ஜீத்து ஜோசப் இயக்கத்தில் மோகன்லால், மீனா உள்பட பலர் நடித்த ’த்ரிஷ்யம் திரைப்படம் கடந்த 2013 ஆம் ஆண்டு வெளிவந்தது. இந்த படம் தமிழ், தெலுங்கு, கன்னடம், இந்தி உள்பட பல இந்திய மொழிகளில் ரீமேகாகி வெளியானது என்பதும் அனைத்து மொழிகளிலும் சூப்பர் ஹிட் ஆனது என்பதும் குறிப்பிடத்தக்கது
குறிப்பாக தமிழ் ரீமேக்கில் கமல்ஹாசன், கவுதமி நடிப்பில் ஜீத்து ஜோசப் இயக்கி இருந்தார் என்பதும் இந்த படம் குறைந்த பட்ஜெட்டில் உருவாகி 100 கோடிக்கும் மேல் வசூல் செய்தது என்பதும் குறிப்பிடத்தக்கது
இந்த நிலையில் சமீபத்தில் ’த்ரிஷ்யம் 2’ படம் குறித்த அறிவிப்பை இயக்குனர் ஜீத்து ஜோசப் வெளியிட்ட நிலையில் தற்போது இந்த படத்தின் படப்பிடிப்பு நாளை முதல் தொடங்குவதாக அறிவிக்கப்பட்டது. கொச்சியில் நாளை முதல் படப்பிடிப்பு தொடங்குவதாகவும், படக்குழுவினர் அனைவருக்கும் கொரோனா பரிசோதனை செய்யப்பட்டு தனிமைப்படுத்தப்பட்டு கொண்டு இருப்பதாகவும் செய்திகள் வெளியாகியுள்ளது
மோகன்லால் இந்த படத்தின் படப்பிடிப்பில் வரும் 26 ஆம் தேதி முதல் கலந்துகொள்வார் என்றும் கூறப்படுகிறது. முதல் பாகத்தில் நடித்த மோகன்லால் மற்றும் மீனா ஆகியோர் மீண்டும் இரண்டாம் பாகத்தில் நடிக்க உள்ளனர் என்பதும் குறிப்பிடத்தக்கது. முதல் பாகத்தை போலவே ‘த்ரிஷயம் 2’ படத்தின் தமிழ் ரீமேக் உருவாகுமா? அப்படியே உருவானாலும் அதில் கமல் நடிப்பாரா? என்பதை பொறுத்திருந்துதான் பார்க்க வேண்டும்