ஒரு திரைப்படம் எடுப்பதற்குள் அந்த தயாரிப்பாளர் எவ்வளவு இன்னல்களை அனுபவிப்பார் என்பதை கோடம்பாக்கத்தில் உள்ள தயாரிப்பாளர்களை கேட்டால் கதை கதையாக கூறுவார்கள். அவ்வாறு கஷ்டப்பட்டு கோடிக்கணக்கில் படம் எடுத்து ரிலீஸ் செய்தாலும் முதல் நாள் முதல் காட்சி முடியும் முன்பே டுவிட்டரில் உள்ள பெய்டு பயனாளிகள் படத்திற்கு நெகட்டிவ் கமெண்ட் அளித்து ஒருவழி ஆக்கிவிடுவார்கள். இதுபோதாதென்று ஆன்லைன் பைரசி பிரச்சனைகள் வேறு. எனவே ஒரு திரைப்படத்தை வெற்றிப்படமாக்குவது என்பது இன்றைய சூழ்நிலையில் மிக கடினமான வேலையாக உள்ளது

இந்த நிலையில் தயாரிப்பாளர்களின் சிந்தனை வெப் தொடர்களை நோக்கி சென்று கொண்டிருக்கின்றது. தியேட்டர் கிடைப்பது என்ற பிரச்சனை, ஆன்லைன் பைரசி பிரச்சனை போன்ற பல பிரச்சனைகள் இந்த வெப் தொடர்களில் இல்லை.

இந்த நிலையில் கோலிவுட்டின் முன்னணி திரைப்பட தயாரிப்பு நிறுவனங்களில் ஒன்றான ட்ரீம் வாரியர்ஸ் பிக்சர்ஸ் நிறுவனம் தற்போது வெப் தொடர் ஒன்றை தயாரிக்க திட்டமிட்டுள்ளது. இதில் தேசிய விருது பெற்ற பாபிசிம்ஹா முக்கிய வேடத்தில் நடிக்கவுள்ளார். இந்த தொடர் வெற்றி பெற்றால் முன்னணி தயாரிப்பாளர்கள் வெப் தொடரை நோக்கி செல்ல வாய்ப்பு இருப்பதாக கூறப்படுகிறது.