'ఊహ‌లు గుస‌గుస‌లాడే', 'దిక్కులు చూడకు రామ‌య్యా' వంటి రెండు వ‌రుస విజ‌యాల‌తో టాలీవుడ్ దృష్టిని త‌న‌వైపుకు తిప్పుకున్నాడు యువ క‌థానాయ‌కుడు నాగ‌శౌర్య‌. ఆ త‌రువాత వచ్చిన 'ల‌క్ష్మీ రావే మా ఇంటికి', 'జాదుగాడు' చిత్రాల‌తో రెండు ప‌రాజ‌యాల‌ను కూడా త‌న ఖాతాలో వేసుకున్నాడు. అయితేనేం.. శౌర్య‌కి ఆఫ‌ర్ల విష‌యంలో ఎలాంటి స‌మ‌స్య‌లు రావ‌డం లేదు. త‌న ప్ర‌తిభ‌తో అవ‌కాశాల‌ను మూట‌గ‌ట్టుకుంటున్నాడు.

ఇప్ప‌టికైతే నాగశౌర్య న‌టించిన రెండు సినిమాలు విడుద‌ల‌కు సిద్ధంగా ఉన్నాయి. వాటిలో ఒక‌టి నందిని రెడ్డి ద‌ర్శ‌క‌త్వంలో వ‌స్తున్న 'క‌ళ్యాణ వైభోగ‌మే' కాగా.. మ‌రొక‌టి రమేష్ వ‌ర్మ డైరెక్ష‌న్‌లోని 'అబ్బాయితో అమ్మాయి'. ఈ రెండు సినిమాలు డిసెంబ‌ర్‌లో వారాల వ్య‌వ‌ధిలో రావ‌చ్చ‌ని ఫిల్మ్ న‌గ‌ర్ వ‌ర్గాలు ముచ్చ‌టించుకుంటున్నాయి. అంటే త‌క్కువ గ్యాప్‌లోనే తన సినిమాల ప‌రంగా నాగ‌శౌర్య డ‌బుల్ ధ‌మాకా ఇవ్వ‌నున్నాడ‌న్న‌మాట‌.