'மாயா' வெற்றி படத்தை அடுத்து நயன்தாரா நடிக்கும் அடுத்த பேய்ப்படம் 'டோரா'. சற்குணம் தயாரிப்பில் அவரது சிஷ்யர் தாஸ் ராமசாமி இந்த படத்தை இயக்குகிறார்.

இந்த படத்தின் கதை குறித்தும் நயன்தாரா இந்த படத்தில் வந்தது குறித்தும் இயக்குனர் தாஸ், பேட்டி ஒன்றில் மனம் திறந்து கூறியுள்ளார். இந்த படத்தின் கதையை தன் குருநாதரிடம் சொன்னவுடன் 'இந்த கேரக்டருக்கு நயன்தாரா மட்டுமே சரியான தேர்வு. அவங்ககிட்ட கதை சொல், அவங்க ஓகே என்றால் மேற்கொண்டு பார்க்கலாம்' என்று கூறினாராம்

நயன்தாரா கதையை கேட்டதும் உடனே ஒப்புக்கொண்டது மட்டுமின்றி இந்த கேரக்டர் குறித்து தன் மனதில் தோன்றிய ஐடியாக்களை கூறியதாகவும், அவருடைய ஸ்டோரி நாட்லெஜ் பார்த்து மிரண்டுவிட்டதாகவும், இதன்பின்னர் அவர் ஏன் முதல் இடத்தில் இருக்கின்றார் என்பதை புரிந்து கொண்டதாகவும் இயக்குனர் கூறியுள்ளார்.

மேலும் இந்த படத்தில் இடம்பெறும் ஒரு 'கார்'தான் பேய் என்றும், அந்த காருக்கும் நயன்தாராவுக்கும் என்ன சம்பந்தம் என்பதுதான் கதையின் முக்கிய டுவிஸ்ட் என்றும் தாஸ் தெரிவித்தார்.

இந்த படத்தின் முக்கிய கேரக்டருக்கு நயன்தாரா தேர்வு செய்தது போலவே அவருடைய தந்தை கேரக்டரை உருவாக்கும்போதே தனக்கு தம்பிராமையாதான் மனதில் வந்ததாகவும், நயன்தாரா-தம்பிராமையா அப்பா-மகள் கெமிஸ்ட்ரி இந்த படத்தில் நன்றாக வந்திருப்பதாகவும் அவர் மேலும் கூறியுள்ளார்.,