సెలక్టివ్ సినిమాలను చేస్తూ వెళుతున్న యంగ్ హీరో నితిన్ ప్రస్తుతం త్రివిక్రమ్ దర్శకత్వంలో సమంతతో కలిసి అ..ఆ సినిమాలో నటిస్తున్నాడు. ఇప్పటికి సినిమా 80 శాతం చిత్రీకరణను పూర్తి చేసుకుంది. అయితే ఈ సినిమా స్టార్ట్ అయిన తర్వాత యూనిట్ నుండి ముగ్గరు అవుటయ్యారు. ముందు ఈ సినిమాకు తమిళ సంగీత దర్శకుడు అనిరుధ్ సంగీతం అందించాల్సింది.

మధ్యలో అనిరుధ్ జంప్ అయ్యాడు. అలాగే ఆర్ట్ డైరెక్టర్ రాజీవ్ కూడా మధ్యలోనే వెళ్ళిపోయాడు. రీసెంట్ గా సినిమాటోగ్రాఫర్ నటరాజన్ కూడా సినిమా నుండి బయటకు వెళ్ళిపోయాడు. మరో క్రేజీ ప్రాజెక్ట్ ఆఫర్ రావడంతో సినిమా నుండి తప్పుకోవాలనుకుంటున్నట్టు త్రివిక్రమ్ కు చెప్పేశాడట. ఇప్పుడు యూనిట్ షారూక్ ఖాన్ మూవీ దిల్ వాలే మూవీ సినిమాటోగ్రాఫర్ డూడ్ లే ను తీసుకుంటున్నారని విశ్వసనీయ వర్గాలు తెలియజేశాయి.