అమితాబ్ బ‌చ్చ‌న్‌కి ద‌క్షిణాది స్టార్ హీరోలైన ర‌జ‌నీకాంత్‌, చిరంజీవి చిర‌కాల మిత్రులు. వీరిద్ద‌రికీ అమితాబ్ స‌ల‌హా ఇచ్చాడ‌ట‌. ముందు చిరంజీవికే అమితాబ్ స‌ల‌హా ఇచ్చాడ‌ట‌. ఆయ‌న విన‌లేదట‌.. ఇప్పుడు ర‌జ‌నీకాంత్‌కి ఇస్తుంటే ఆయ‌న కూడా విన‌డం లేద‌ట‌. ఇంత‌కు అమితాబ్ వీరిద్ద‌రికీ ఇచ్చిన స‌ల‌హా ఏంటో తెలుసా? రాజకీయాల్లోకి వెళ్ల‌వ‌ద్ద‌ని. అయితే ముందు చిరంజీవికి అమితాబ్ స‌ల‌హా ఇస్తే ఆయ‌న ప‌ట్టించుకోకుండా రాజకీయాల్లోకి వెళ్లి బాధ‌ప‌డ్డాడ‌ట‌. ఇప్పుడు అమితాబ్ అదే స‌ల‌హాను ర‌జ‌నీకాంత్‌కు ఇస్తుంటే ఆయ‌న కూడా ప‌ట్టించుకోవ‌డం లేద‌ని అమితాబ్ అన్నారు. ఇంత‌కు అమితాబ్ ఈ విష‌యాన్ని సైరా న‌ర‌సింహారెడ్డి ప్ర‌మోష‌న‌ల్ ఇంట‌ర్వ్యూలో భాగంగా చెప్పుకొచ్చారు.

సైరా ప్ర‌మోష‌న్స్‌లో భాగంగా ద‌ర్శ‌క నిర్మాత‌, న‌టుడు ప‌ర్హాన్ అక్త‌ర్ ఇంట‌ర్వ్యూ చేశాడు. ఆ సంద‌ర్భంలో అమితాబ్ ఈ ఆస‌క్తిక‌ర‌మైన వ్యాఖ్య‌లు చేశాడు. చిరంజీవి టైటిల్ పాత్ర‌లో న‌టించిన సైరా న‌ర‌సింహారెడ్డి చిత్రంలో ఉయ్యాల‌వాడ గురువు గోసాయి ఎంక‌న్న పాత్ర‌లో అమితాబ్ న‌టించిన సంగ‌తి తెలిసిందే. దాదాపు 300 కోట్ల రూపాయ‌ల‌తో రూపొందిన ఈ భారీ చిత్రం తెలుగుతో పాటు హిందీ, త‌మిళ‌, మ‌ల‌యాళ‌, క‌న్న‌డ భాష‌ల్లో అక్టోబ‌ర్ 2న విడుద‌ల‌వుతుంది.

చిరంజీవితోపాటు అమితాబ్ బ‌చ్చ‌న్‌, న‌య‌న‌తార‌, విజ‌య్ సేతుప‌తి, కిచ్చా సుదీప్‌, జ‌గ‌ప‌తిబాబు, త‌మ‌న్నా, అనుష్క‌, ర‌వికిష‌న్ త‌దితరులు కీల‌క పాత్ర‌ల్లో న‌టించారు. బ్రిటీష్ వారిని ఎదిరించిన తొలి స్వాతంత్ర్య యోధుడు ఉయ్యాల‌వాడ న‌ర‌సింహారెడ్డి జీవితగాథ‌ను ఆధారంగా చేసుకుని ఈ సినిమాను తెర‌కెక్కించారు.