యంగ్ టైగ‌ర్ ఎన్టీఆర్ ఇప్పుడు బాబీ ద‌ర్శ‌క‌త్వంలో రూపొందుతోన్న `జై ల‌వ‌కుశ‌` సినిమాతో బిజీగా ఉన్నాడు. ఈ సినిమా త‌ర్వాత కొర‌టాల శివ ద‌ర్శ‌క‌త్వంలోనో, త్రివిక్ర‌మ్ ద‌ర్శ‌క‌త్వంలోనో సినిమా చేసే అవ‌కాశం ఉంద‌ని ఒక వైపు వార్త‌లు విన‌ప‌డుతుండ‌గా, మ‌రోవైపు రాజ‌మౌళి, ఎన్టీఆర్ కాంబినేష‌న్‌లో సినిమా తెరెక్క‌నుంద‌ని వార్త‌లు విన‌ప‌డుతున్నాయి.

అయితే ఇటీవ‌ల పునీత్ రాజ్‌కుమార్ న‌టించిన క‌న్న‌డ చిత్రం `రాజ‌కుమార‌` సినిమా మంచి విజ‌యాన్ని సాధించింది. ఈ సినిమాపై ఎన్టీఆర్ ఆస‌క్తిని క‌న‌ప‌రుస్తున్నాడ‌ట‌. పునీత్ రాజ్‌కుమార్‌, ఎన్టీఆర్ మ‌ధ్య మంచి స్నేహం ఉంది. మ‌రి ఇంత బిజీ షెడ్యూల్‌లో ఎన్టీఆర్ ఎటువైపు మొగ్గుతాడో తెలియ‌డం లేదు కానీ మ‌రోవైపు రాజ‌కుమార సినిమా రీమేక్ రైట్స్ కోసం భారీ డిమాండ్ ఏర్ప‌డి ఉంది. ఎన్టీఆర్ జై ల‌వ‌కుశ సెప్టెంబ‌ర్ 21న విడుద‌ల కానుంది.