திமுக தலைவர் கருணாநிதி கடந்த சில மாதங்களாக முதுமை காரணமாக வீட்டில் ஓய்வு எடுத்து வருகிறார். சமீபத்தில் நடந்த முரசொலி பவள விழாவிற்கு கூட அவர் வரவில்லை. முரசொலி பவள விழாவை அடுத்து ஏற்பாடு செய்யப்பட்டிருந்த கண்காட்சி ஒன்று முரசொலி அலுவலகத்தில் கருணாநிதி பார்வையிடுவதற்காக வைக்கப்பட்டிருந்தது

இந்த நிலையில் சற்று முன்னர் கருணாநிதி சென்னை கோடம்பாக்கத்தில் உள்ள முரசொலி அலுவலகத்திற்கு வந்து கண்காட்சியை பார்வையிட்டார். ஒரு ஆண்டுக்கு பின்னர் அவர் முரசொலி அலுவலகம் வருகிறார் என்பது குறிப்பிடத்தக்கது

இந்த கண்காட்சியில் கருணாநிதியின் மெழுகுச்சிலை வைக்கப்பட்டுள்ளது. இந்த சிலையை இன்னும் சற்றுநேரத்தில் அவர் பார்வையிட உள்ளார். இதுவரை கருணாநிதியின் மெழுகுச்சிலையுடன் பல திமுக தலைவர்கள் புகைப்படம் எடுத்து கொண்டிருந்த நிலையில் தற்போது முதன்முதலாக அவரே புகைப்படம் எடுக்கவுள்ளார் என்பது குறிப்பிடத்தக்கது.