கடந்த 2ஆம் தேதி கொரோனாவால் பாதிக்கப்பட்டு தனியார் மருத்துவமனையில் சிகிச்சை பெற்று வந்த திமுக எம்.எல்.ஏ அன்பழகன் சிகிச்சையின் பலனின்றி காலமானார். அவருக்கு வயது 62

கொரோனாவால் பாதிக்கப்பட்டிருந்த சென்னை சேப்பாக்கம் திமுக எம்.எல்.ஏ அன்பழகன் ஜூன் 2ஆம் தேதி கொரோனாவால் பாதிக்கப்பட்டு சென்னை குரோம்பேட்டை மருத்துவமனையில் அனுமதிக்கப்பட்டு சிகிச்சை பெற்று வந்தார். அவருடைய உடல்நிலை ஆரம்பத்தில் தேறி வந்தாலும் பின்னர் கவலைக்கிடமாக இருப்பதாக மருத்துவமனை அறிவித்தது

இன்று காலை மீண்டும் அவரது உடல் கவலைக்கிடமாக இருப்பதாக செய்திகள் வெளிவந்த நிலையில் சற்றுமுன் அவர் காலமானதாக மருத்துவமனை அறிவித்துள்ளது. மேலும் ஜெ.அன்பழகனின் உடல் தொற்றுநோய் விதிகளின் படி சுகாதாரத்துறையினரிடம் ஒப்படைக்கப்பட உள்ளதாக செய்திகள் வெளிவந்துள்ளது

ஜெ.அன்பழகன் அவர்களின் மறைவு திமுக தலைவர் முக ஸ்டாலின் உள்ளிட்ட பல தலைவர்களுக்கும் கோடிக்கணக்கான திமுக தொண்டர்களுக்கும் பெரும் அதிர்ச்சியை அளித்துள்ளது

கடந்த 2001, 2011, 2016, சட்டமன்ற தேர்தலில் வெற்றிபெற்று 3 முறை எம்.எல்.ஏ.வாக இருந்தவர் ஜெ.அன்பழகன் என்பது குறிப்பிடத்தக்கது. மறைந்த ஜெ.அன்பழகனுக்கு ஒரு மகன் மற்றும் ஒரு மகள் உள்ளனர். மேலும் இன்று அவர் பிறந்த நாள் என்பது குறிப்பிடத்தக்கது.