சூப்பர் ஸ்டார் ரஜினிகாந்தை திமுக அமைச்சர் சந்தித்து உள்ளதாக தகவல்கள் வெளியாகி உள்ளன.

சூப்பர் ஸ்டார் ரஜினிகாந்த் நடித்து வரும் ’லால் சலாம்’ படத்தின் படப்பிடிப்பு தற்போது திருவண்ணாமலையில் நடைபெற்று வருகிறது. இந்த நிலையில் நேற்று திருவண்ணாமலை கோவிலில் ரஜினிகாந்த் சுவாமி தரிசனம் செய்த புகைப்படங்கள் இணையத்தில் வைரலாகின.

இந்த நிலையில் திருவண்ணாமலை திமுக மாவட்ட செயலாளர் மற்றும் அமைச்சர் எ.வா. வேலு, ரஜினியை சந்தித்தார். இந்த சந்திப்பு மரியாதை நிமித்தமானது என்று கூறப்படுகிறது. இது குறித்த புகைப்படம் இணையத்தில் வைரலாகி வருகிறது.

ஏற்கனவே ’லால் சலாம்’ படத்தின் படப்பிடிப்பு புதுச்சேரியில் நடந்த போது புதுச்சேரி சட்டமன்ற சபாநாயகர் செல்வம் தனது மகளுடன் ரஜினிகாந்த்தை சந்தித்தார் என்பதும் தெரிந்தது. அதேபோல் புதுச்சேரி போக்குவரத்து துறை அமைச்சர் சந்திரா பிரியங்கா என்பவர் தனது மகன்களுடன் சென்று ரஜினிகாந்த்தை சந்தித்தார் என்பதும் குறிப்பிடத்தக்கது.