அமைச்சர் விஜயபாஸ்கரை தகுதி நீக்கம் செய்ய தமிழக கவர்னரிடம் திமுக தலைவர்கள் மனு
- IndiaGlitz, [Wednesday,April 12 2017]
தமிழக பொறுப்பு கவர்னர் வித்யாசாகர் ராவ் அவர்களை திமுக தலைவர்கள் இன்று மும்பையில் சற்றுமுன்னர் நேரில் சந்தித்தனர்.
தமிழக சட்டமன்ற எதிர்க்கட்சி துணைத்தலைவர் துரைமுருகன், திமுக எம்பிக்கள் திருச்சி சிவா, ஆர்.எஸ்.பாரதி ஆகியோர் கவர்னர் வித்யாசாகர் ராவ் அவர்களை சற்று முன்னர் மும்பையில் உள்ள ஆளுநர் மாளிகையில் சந்தித்தனர்.
இந்த சந்திப்பின்போது ஜனநாயகத்துக்கு எதிராக செயல்படும் முதலமைச்சர் எடப்பாடி பழனிச்சாமி தலைமையிலான அமைச்சரவை மீது நடவடிக்கை எடுக்க வேண்டும் என்று புகார் அளித்தனர். குறிப்பாக தமிழக சுகாதார அமைச்சர் விஜயபாஸ்கரை பதவி நீக்கம் செய்யவும் அவர்கள் கவர்னரை வலியுறுத்தியதாக தெரிகிறது.