மறைந்த முன்னாள் திமுக தலைவர் கருணாநிதியின் முதலாம் ஆண்டு நினைவு நாள் வரும் ஆகஸ்டு 7ஆம் தேதி அனுசரிக்கப்பட உள்ளது. இதனையடுத்து சென்னை கோடம்பாக்கம் முரசொலி அலுவலகத்தில் கருணாநிதியின் சிலை திறப்பு விழா நடைபெற உள்ளது. இந்த விழாவில் மேற்கு வங்க முதல்வர் மம்தா பானர்ஜி கலந்துகொண்டு சிலையை திறக்கவுள்ளார்.

இந்த நிலையில் இந்த விழாவில் பங்கேற்க பல்வேறு கட்சித் தலைவர்களுக்கும் பிரபலங்களுக்கும் திமுக சார்பில் அழைப்பு விடுக்கப்பட்டு வருகிறது. அந்த வகையில் சூப்பர் ஸ்டார் ரஜினிகாந்த் மற்றும் மக்கள் நீதி மய்யம் கட்சியின் தலைவர் கமல்ஹாசன் ஆகியோர்களுக்கும் திமுக அழைப்பு விடுத்துள்ளது

கடந்த சில மாதங்களுக்கு முன் சென்னை அண்ணா அறிவாலயத்தில் கருணாநிதி சிலை திறப்பு விழா நடைபெற்றபோது கமலஹாசன் அந்த விழாவில் கலந்துகொள்ளவில்லை. ரஜினிகாந்த் மட்டுமே கலந்து கொண்டார். இந்த நிலையில் இந்த விழாவிலாவது கமல் கலந்து கொள்வாரா அல்லது விழாவை புறக்கணிப்பாரா? என்பதை பொறுத்திருந்து பார்ப்போம்