బాక్సాఫీస్ వద్ద దుమ్ము రేపుతున్న దువ్వాడ
- IndiaGlitz, [Saturday,June 24 2017]
స్టైలిష్ స్టార్ అల్లు అర్జున్ హీరోగా దిల్‌రాజు నిర్మించిన చిత్రం 'డీజే దువ్వాడ జ‌గ‌న్నాథ‌మ్‌'. హ‌రీష్ శంక‌ర్ ద‌ర్శ‌కుడు. జూన్ 23న విడుద‌లైన ఈ చిత్రం బాక్సాఫీస్ వద్ద క‌లెక్ష‌న్స్ కొల్ల‌గొడుతుంది. అమెరికాలో అల్లు అర్జున్ గ‌త సినిమాలు స‌రైనోడు, స‌న్నాఫ్ స‌త్య‌మూర్తి సినిమాల ప్రీమియ‌ర్ షో రికార్డుల‌ను తిర‌గ రాసింది. అమెరికాలో ప్రీమియ‌ర్ షోలో నాలుగు ల‌క్ష‌ల డాల‌ర్స్‌(రూ.2.57 కోట్లు)ను వ‌సూలు చేసింద‌ని అంటున్నారు.
తొలి వారంలోనే వ‌న్ మిలియ‌న్ డాల‌ర్స్‌ను క్రాస్ చేస్తుంద‌ని అంచ‌నా వేస్తున్నారు. రెండు తెలుగు రాష్ట్రాల్లో 25 కోట్ల రూపాయ‌ల షేర్‌ను సాధించింది. మొత్తంగా తొలి రోజున 33 కోట్ల రూపాయ‌లను వ‌సూలు చేసి బ‌న్ని కెరీర్‌లోనే తొలిరోజు అత్య‌ధిక వ‌సూళ్ళు సాధించిన చిత్రంగా రికార్డ్ క్రియేట్ చేసింది. తెలుగు రాష్ట్రాల్లో 1000 థియేట‌ర్స్‌, అమెరికాలో 300 థియేట‌ర్స్‌, కెనడాలో 10 స్క్రీన్స్‌లో సినిమా విడుద‌లైంది.