గురువు బాట‌లోనే శిష్యుడు
- IndiaGlitz, [Wednesday,July 18 2018]
రామ్‌గోపాల్ వ‌ర్మ తొలి చిత్రం శివ‌తో సెన్సేష‌న‌ల్ హిట్ అందుకున్నాడు. ఇదే శివ సినిమాను హిందీలో రీమేక్ చేసి అక్కడ కూడా హిట్ కొట్టి పేన్ ఇండియా డైరెక్ట‌ర్ అయ్యాడు. ఇప్పుడు గురువు దారిలోనే ఆయన శిష్యుడు అజ‌య్ భూప‌తి వెళ్లే అవ‌కాశాలు క‌న‌ప‌డుతున్నాయి. వివ‌రాల్లోకెళ్తే.. అజ‌య్ భూప‌తి డైరెక్ట్ చేసిన 'ఆర్ ఎక్స్ 100' సూప‌ర్ హిట్ అయ్యింది.
తొలి నాలుగు రోజుల్లోనే ప‌ది కోట్ల గ్రాస్‌ను క‌లెక్ట్ చేసింది. చాలా మంది నిర్మాత‌లు అజ‌య్ భూప‌తితో సినిమా చేయ‌డానికి ఆస‌క్తిగా ఉన్నారు. ఇదే త‌రుణంలో బాలీవుడ్ నిర్మాణ సంస్థ పాంట‌మ్ అజ‌య్ భూప‌తిని 'ఆర్ ఎక్స్ 100' హిందీలో రీమేక్ చేయ‌మ‌ని సంప్ర‌దించింద‌ట. అజ‌య్ ప్ర‌స్తుతం తెలుగులో వ‌స్తున్న అవ‌కాశాల‌ను స‌ద్వినియోగం చేసుకోవాలా? లేక హిందీలోకి అడుగుపెట్టాలా? అని ఆలోచిస్తున్నాడు.