ఆ ఇద్దరికి ఈసారీ నిరాశే
- IndiaGlitz, [Sunday,April 03 2016]
గ‌త నెల‌లో వారం గ్యాప్‌లో సంద‌డి చేసిన ఆ ఇద్ద‌రు క‌థానాయ‌కులు.. ఈ నెల తొలి రోజున త‌మ కొత్త చిత్రాల‌తో పోటాపోటీగా సంద‌డి చేశారు. అయితే.. రెండు సంద‌ర్భాల్లోనూ ఈ ఇద్దరికి నిరాశ‌క‌ర‌మైన ఫ‌లితాలే ద‌క్కాయి. ఇంత‌కీ ఆ క‌థానాయ‌కులు ఎవ‌రంటే.. మంచు మనోజ్, నారా రోహిత్. ఈ వారంలో ఈ ఇద్ద‌రు హీరోలుగా న‌టించిన ఎటాక్‌, సావిత్రి చిత్రాలు ప్రేక్ష‌కుల ముందుకు వ‌చ్చాయి. అయితే.. ఈ రెండు చిత్రాల‌కు విమర్శకుల నుంచి గానీ, ప్రేక్ష‌కుల నుంచి గానీ పాజిటివ్ రెస్పాన్స్ లేదు. దీంతో గ‌త నెల‌లో వ‌చ్చిన శౌర్య త‌రువాత మనోజ్ కి ఎటాక్‌ రూపంలో.. తుంట‌రి త‌రువాత నారా రోహిత్ కి సావిత్రి రూపంలో.. మ‌రోసారి నిరాశే ఎదుర‌య్యింది. రాబోయే చిత్రాల‌తోనైనా ఈ ఇద్దరికి విజయాలు దొర‌కాల‌ని ఆశిద్దాం.