బాలీవుడ్‌లో విజ‌య‌వంత‌మైన యాక్ష‌న్ సిరీస్ ధూమ్‌.ప్ర‌ముఖ నిర్మాణ సంస్థ య‌ష్ రాజ్ ఫిలింస్ బ్యాన‌ర్‌పై ఆదిత్య చోప్రా నిర్మిస్తున్న ఈ సిరీస్‌లో ఇప్ప‌టి వ‌ర‌కు మూడు భాగాలు ప్రేక్ష‌కుల ముందుకు వ‌చ్చి విజ‌య‌వంత‌మైయ్యాయి. ఇప్పుడు నాలుగో భాగం `ధూమ్ 4`కి రంగం సిద్ధ‌మ‌వుతుంది. సినీ వ‌ర్గాల స‌మాచారం మేర‌కు ధూమ్ 4లో బాలీవుడ్ కిలాడీగా పేరు తెచ్చుకున్న అక్ష‌య్‌కుమార్ నటించ‌నున్నార‌ని వార్త‌లు విన‌ప‌డుతున్నాయి. త్వ‌ర‌లోనే దీనికి సంబంధించిన అధికారిక స‌మాచారం వెలువ‌డ‌నుంది. ధూమ్ సిరీస్‌లో ముందు నుండి న‌టిస్తున్న అభిషేక్ బ‌చ్చ‌న్‌, ఉద‌య్ చోప్రా ఈ చిత్రంలో న‌టించ‌క‌పోవ‌చ్చున‌ని అంటున్నారు.

నిజానికి సాహో స‌మ‌యంలో ఈ ఫ్రాంచైజీలో ప్రభాస్ న‌టించే అవ‌కాశాలున్నాయ‌ని వార్త‌లు వచ్చాయి. అయితే ప్ర‌స్తుతం వినిపిస్తున్న వార్త‌ల ప్ర‌కారం ప్ర‌భాస్ ఫ్యాన్స్‌కు నిరాశ త‌ప్పేలా లేదు. ధూమ్ నుండి ధూమ్ 3 వ‌ర‌కు అభిషేక్ బ‌చ్చ‌న్‌, ఉద‌య్ చోప్రా న‌టించారు. కాగా.. ధూమ్‌లో జాన్ అబ్ర‌హం, ధూమ్ 2లో హృతిక్ రోష‌న్‌.. ధూమ్ 3లో ఆమిర్‌ఖాన్ మెయిన్ పాత్ర‌ధారులుగా న‌టించి మెప్పించారు. మ‌రి ధూమ్ 4లో ఎవ‌రు న‌టిస్తార‌నే దానిపై చాలా రోజులుగా ప‌లు వార్త‌లు విన‌ప‌డుతూ వ‌చ్చాయి. షారూక్‌, ప్ర‌భాస్ పేర్లు ప్ర‌ముఖంగా విన‌ప‌డ్డ‌ప్ప‌టికీ ఇప్పుడు రేసులో అక్ష‌య్ ఛాన్స్ కొట్టేశాడ‌ని అంటున్నారు.