தளபதி விஜய் தற்போது இயக்குனர் நெல்சன் இயக்கத்தில் உருவாகி வரும் திரைப்படத்தில் நடித்து வருகிறார் என்பதும் இந்த படத்தின் முதல்கட்ட படப்பிடிப்பு ஜார்ஜியாவில் நடைபெற்று முடிந்த நிலையில் அடுத்தகட்ட படப்பிடிப்பு ஊரடங்கு முடிவுக்கு வந்ததும் சென்னையில் நடைபெறும் என்பதும் இந்த படம் அடுத்த ஆண்டு பொங்கல் அல்லது தமிழ் புத்தாண்டு தினத்தில் வெளியிட படக்குழுவினர் திட்டமிட்டுள்ளனர் என்பது குறிப்பிடத்தக்கது

இந்த நிலையில் கடந்த சில நாட்களாக தளபதி விஜய் நடிக்கும் அடுத்த திரைப்படம் குறித்த தகவல்கள் சமூகவலைதளங்களில் கசிந்து வருகிறது. விஜய்யின் அடுத்த படத்தை பிரபல தெலுங்கு இயக்குனர் வம்சி பைடிபல்லி இயக்க இருப்பதாகவும் பிரபல தெலுங்கு தயாரிப்பாளர் தில் ராஜு தயாரிக்க இருப்பதாகவும் இந்த படம் தமிழ் தெலுங்கு உள்பட ஒரு பான்-இந்தியா திரைப்படமாக உருவாக இருப்பதாகவும் கூறப்பட்டது

இந்த நிலையில் தெலுங்கு ஊடகம் ஒன்றுக்கு பேட்டியளித்த இயக்குனர் வம்சி பைடிபல்லி, விஜய் படத்தை இயக்குவதை உறுதி செய்துள்ளார். ஆனால் அதே நேரத்தில் இந்த படத்தின் அதிகாரபூர்வ அறிவிப்பு கோவிட் நிலைமை முடிவுக்கு வந்தபின் வெளியாகும் என்றும் இது தனக்கு கிடைத்த ஒரு மிகப்பெரிய வாய்ப்பு என்றும் அவர் தெரிவித்துள்ளார். மேலும் இந்த படத்தில் உள்ள மற்ற விவரங்கள் அனைத்தும் சஸ்பென்சாக வைக்கப்பட்டுள்ளதாகவும் அவர் அந்த பேட்டியில் குறிப்பிட்டுள்ளார். இந்த தகவல் தளபதி விஜய் ரசிகர்களுக்கு பெரும் மகிழ்ச்சியை அளித்துள்ளது என்பது குறிப்பிடத்தக்கது.