ఇష్టం సినిమాతో ద‌ర్శ‌కుడిగా మారిన విక్ర‌మ్ కె.కుమార్ త‌ర్వాత 13 బి అనే హార్ర‌ర్ థ్రిల్ల‌ర్‌తో డైరెక్ట‌ర్‌గా మంచి పేరు సంపాదించుకున్నాడు. త‌ర్వాత నితిన్‌తో ఇష్క్ సినిమా స‌క్సెస్ సాధించి హిట్ డైరెక్ట‌ర్స్ లిస్టులో చేరాడు. అక్కినేని ఫ్యామిలీ మూవీ మ‌నం బ్లాక్‌బ‌స్ట‌ర్‌తో మోస్ట్ వాంటెడ్ డైరెక్ట‌ర్స్ లిస్టులో చేరాడు. దాంతో హీరో సూర్యతో సైంటిఫిక‌ల్ థ్రిల్ల‌ర్ 24మూవీని డైరెక్ట్ చేసే అవ‌కాశాన్ని ద‌క్కించుకున్నాడు. ఈ సినిమా విజ‌యం త‌ర్వాత విక్ర‌మ్ కుమార్ అక్కినేని అఖిల్‌తో హలో మూవీని తెర‌కెక్కిస్తున్నాడు. ఈ సినిమాను డిసెంబ‌ర్ 22న విడుద‌ల చేయ‌డానికి స‌న్నాహాలు జ‌రుగుతున్నాయి.

అయితే సాధార‌ణంగా త‌న ప్ర‌తి సినిమాకు రెండేళ్ల వ్య‌వ‌ధిని తీసుకునే ద‌ర్శ‌కుడు విక్ర‌మ్ కుమార్ అఖిల్‌తో హలో మూవీ చేయ‌డానికి ఇర‌వై నెల‌ల స‌మ‌య‌మే తీసుకున్నాడు. ఓ ర‌కంగా చూస్తే ద‌ర్శ‌కుడు విక్ర‌మ్ కుమార్ సినిమాల మేకింగ్‌లో త‌న స్టైల్‌ను మార్చిన‌ట్టే క‌నిపిస్తుంది. రీసెంట్‌గా విడుద‌లైన హ‌లో ఫ‌స్ట్‌లుక్‌కు మంచి రెస్పాన్స్ వ‌చ్చింది.