வடிவேலு நடித்த 'பிரெண்ட்ஸ்' படத்தின் நேசமணி கேரக்டர் சமீபத்தில் உலக அளவில் டிரெண்ட் ஆகி அவரது புகழ் பரவிய நிலையில், அவர் அளித்த ஒரே ஒரு பேட்டியில் அவர் இத்தனை வருடங்கள் காப்பாற்றி வந்த புகழ் அனைத்தும் தரைமட்டமாகியுள்ளது.

இயக்குனர்கள் ஷங்கர் மற்றும் சிம்புதேவன் ஆகியோர்களை ஒருமையில் வடிவேலு பேசியது பல இயக்குனர்களை அதிர்ச்சி அடைய செய்துள்ளது. ஏற்கனவே சமுத்திரக்கனி, நவீன் உள்பட ஒருசில இயக்குனர்கள் வடிவேலுக்கு கண்டனம் தெரிவித்த நிலையில் தற்போது இயக்குனர் விஜய்மில்டனும் தனது கண்டனத்தை தெரிவித்துள்ளார். அவர் கூறியதாவது:

தலையில் சுத்தியல் விழுந்தால் சில வருடம் கழித்து கூட சித்தம் கலங்கும் போல! உங்கள் மீது மிகுந்த நேசம் வைத்திருக்கிறோம் அய்யா நேசமணி அவர்களே.. ஏணிகளை எட்டி மிதித்து அதை கெடுத்துக் கொள்ளாதீர்கள்' என்று விஜய்மில்டன் கூறியுள்ளார்.

தலையில் சுத்தியல் விழுந்தால் சில வருடம் கழித்து கூட சித்தம் கலங்கும் போல!உங்கள் மீது மிகுந்த நேசம் வைத்திருக்கிறோம் அய்யா நேசமணி அவர்களே.. ஏணிகளை எட்டி மிதித்து அதை கெடுத்துக் கொள்ளாதீர்கள்.#dont_forget_the_creators @chimbu_deven @NaveenFilmmaker @thondankani @directorshankar pic.twitter.com/HFANc0KS3D

— sd.vijay milton (@vijaymilton) June 11, 2019