சினிமாத்தனம் இல்லாத போலீஸ் கேரக்டரில் பிரபல இயக்குனர்
- IndiaGlitz, [Wednesday,May 31 2017]
அறிமுக இயக்குனர் முரளி கார்த்திக் இயக்கி வரும் 'களவு' படத்தில் முதன்முறையாக பிரபல இயக்குனர் வெங்கட்பிரபு போலீஸ் கேரக்டரில் நடிக்கவுள்ளார் என்பதை பார்த்தோம். இந்த நிலையில் வெங்கட்பிரபுவின் போலீஸ் கேரக்டர் குறித்து இயக்குனர் கூறுகையில், '"நான் கொஞ்சம் கூடக் சினிமா தனம் இல்லாத ஒரு போலீஸ்காரரை படத்தில் காட்ட முற்பட்டு உள்ளேன். வெங்கட் பிரபு சார் அந்த வேடத்துக்கு முற்றிலும் பொருந்தி உள்ளார்; என்று கூறியுள்ளார்.
மேலும் 'களவு' படத்தின் படப்பிடிப்பு முடிவடைந்து இறுதிக்கட்ட பணிகள் நடந்து கொண்டிருப்பதாகவும், இந்த படம் ரசிகர்களின் இதயத்தை நிச்சயம் கவரும் என்றும், அடுத்த தலைமுறைக்கான இயக்குனர்கள் வரிசையில் என் பெயரும் இடம் பிடிக்க "களவு" கை கொடுக்கும் என்றும் இயக்குனர் முரளி கார்த்திக் நம்பிக்கை தெரிவித்தார்.
கலையரசன், கருணாகரன், அபிராமி ஐயர், சின்னி ஜெயந்த் உள்பட பலர் நடித்துள்ள இந்த படத்தை பிக் பிரிண்ட் பிக்சர்ஸ் மற்றும் ஸ்பைசி கூல் இம்ப்ரஷன் ஆகிய நிறுவனங்கள் இணைந்து தயாரித்து வருகின்றன.