தமிழ் சினிமாவில் தரமான படம் எடுக்கும் இயக்குனர்களில் ஒருவர் வசந்தபாலன். சமூகத்தில் நடக்கும் அநீதிகளை தனது படத்தின் மூலம் சுட்டிக்காட்டி மக்களுக்கு விழிப்புணர்வை ஏற்படுத்தும் ஒருசில இயக்குனர்களில் இவரும் ஒருவர். இவருடைய ‘அங்காடித்தெரு’ படத்தை இன்னும் ரசிகர்கள் பாராட்டி வருகின்றனர்.

இந்த நிலையில் இயக்குனர் வசந்தபாலன் தனது முகநூலில் வேதனையுடன் ஒரு பதிவை பதிவு செய்துள்ளார். தான் இயக்கிய ’ஜெயில்’ என்ற படத்தை ரிலீஸ் செய்ய முடியாமல் தான் அவர் இந்த பதிவை போட்டுள்ளார் என்று கருதப்படுகிறது. வசந்தபாலனின் முகநூல் பதிவு இதுதான்.

ஒரு தயாரிப்பாளர பிடிக்கிறதுக்கு தலைகீழ நிக்கனும். ஒரு ஹீரோ கிடைக்கிறதுக்கு தலைகீழா நடக்கனும். ஷூட்டிங் தடையின்றி நடக்க கையில அக்னிச்சட்டியோட கயித்துல நடக்கனும். இது எல்லாத்தையும் கூட தாங்கிடலாம். ஆனா.....இந்த எடுத்த படத்த ரிலீஸ் பண்ணத்தான் உயிர் கொஞ்சம் கொஞ்சமாக போகிறது....

இந்த பதிவை பார்த்த ரசிகர்கள் அவருக்கு ஆறுதல் கூறி வருகின்றனர்.