నిర్మాత‌గా మారుతున్న ద‌ర్శ‌కుడు!
- IndiaGlitz, [Thursday,September 20 2018]
డీజే దువ్వాడ జ‌గ‌న్నాథమ్ సినిమా త‌ర్వాత డైరెక్ట‌ర్ హ‌రీశ్ శంకర్ .. శ‌ర్వానంద్‌, నితిన్ హీరోలుగా దిల్‌రాజు బ్యాన‌ర్‌లో 'దాగుడుమూత‌లు' అనే సినిమా స్టార్ట్ చేయాల‌నుకున్నారు. స్క్రిప్ట్ న‌చ్చ‌లేదో, లేక మ‌రేదైనా కార‌ణ‌మో ఏమో కానీ ప్రాజెక్ట్ నుండి దిల్‌రాజు త‌ప్ప‌కున్నాడు. దీంతో 'దాగుడుమూత‌లు' ఆగింది.
ఈ సినిమాను మ‌ళ్లీ రీస్టార్ట్ చేయ‌డానికి స‌న్నాహాలు చేసుకుంటున్నారు. యు.ఎస్‌లోని త‌న మిత్రుల‌తో క‌లిసి సినిమాను సెట్స్‌పైకి తీసుకెళ్లే ప్ర‌య‌త్నాలు చేస్తున్నాడు. ఇప్ప‌టికే ఇందులో సుధీర్‌బాబును న‌టించ‌డానికి ఒప్పించాడ‌ట. మ‌రో హీరోగా రామ్‌ను ఒప్పించే ప్ర‌య‌త్నాలు చేస్తున్నాడ‌ట హ‌రీశ్ శంకర్. ద‌ర్శ‌కత్వ బాధ్య‌త‌ల‌తో పాటు నిర్మాణ బాధ్య‌త‌ల‌ను కూడా హ‌రీశ్ నెత్తికెత్తుకోనున్నాడు.