சென்னை, செங்கல்பட்டு, காஞ்சிபுரம் ஆகிய 3 மாவட்ட திரைப்பட விநியோகஸ்தர்கள் சங்க தேர்தல் நேற்று நடைபெற்றது.

இந்த தேர்தலில் தலைவர், துணைத் தலைவர், செயலாளர், இணைச் செயலாளர், பொருளாளர், 16 கமிட்டி உறுப்பினர்கள் ஆகிய பொறுப்புகளுக்கு உறுப்பினர்கள் தேர்வு செய்யபப்ட்டனர். நடிகர் டி.ராஜேந்தர் தலைமையில் ஒரு அணியும், விநியோகிஸ்தர் அருள்பதி தலைமையில் மற்றொரு அணியும் போட்டியிட்டன.

நேற்று காலை 9 மணி நடைபெற்ற இந்த தேர்தலில் சரத்குமார், டி.ராஜேந்தர், ராதாரவி, நடிகைகள் ராதிகா, பூர்ணிமா பாக்யராஜ், இயக்குனர்கள் தங்கர் பச்சான், எஸ்.ஏ.சந்திரசேகர், கே.டி.குஞ்சுமோன் உள்ளிட்டோர் வாக்களித்தனர்.

இந்த தேர்தலின் முடிவுகள் தற்போது வெளிவந்துள்ளது. முதல்கட்டமாக சென்னை காஞ்சிபுரம் திருவள்ளூர் மாவட்ட திரைப்பட விநியோகஸ்தர் சங்க தலைவர் பதவிக்கு போட்டியிட்ட டி.ராஜேந்தர் 12 வாக்குகள் வித்தயாசத்தில் வெற்றி பெற்றார். அவருக்கு மொத்தம் 235 வாக்குகள் கிடைத்தன. மேலும் செயலாளர் பதவிக்கு T.மன்னன், பொருளாளர் பதவிக்கு பாபு ராவ் ஆகியோர் தேர்வு செய்யப்பட்டனர்.